Kamenapuso

La Kamenapuso (Chaetura pelagica) estas eta birdo de la familio de Apusedoj, kiu enhavas ankaŭ la apusojn, apusetojn, salanganojn, ktp.

Kiel legi la taksonomion Kamenapuso
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Apodoformaj Apodiformes Familio: Apusedoj Apodidae Genro: Chaetura Specio: Ch. pelagica
Dunomo
Chaetura pelagica (Linnaeus, 1758)
Konserva statuso
Konserva statuso: Malplej zorgiga
Sinonimoj
Aliaj Vikimediaj projektoj

Fizika priskribo

Dumfluge, tiu birdo aspektas kiel fluganta cigaro kun longaj sveltaj kurbaj flugiloj. La plumaro estas malhelgrizbruna; la gorĝo, brusto, subflugiloj kaj pugo estas pli palaj. Ili havas mallongajn vostojn.

Reproduktado

Kamenapuso ĉeneste

La reprodukta sezono de la Kamenapuso estas el Majo tra Julio. La reprodukta habitato estas ĉe urboj tra orienta Nordameriko. Origine, tiuj birdoj nestumis en grandaj arbotruoj, sed nune ili ĉefe nestumas en artefaritaj strukturoj kiel grandaj malfermaj kamenoj. La nesto estas farita el bastonetoj kungluitaj per salivo kaj lokita en akurata lokigo. La ino demetas 3 ĝis 7 blankajn ovojn, kiujn la ino kovas dumnokte. La kovado daŭras 19-20 tagojn, kaj la elnestiĝo okazas post unu monato. La kamenapusoj povas ovodemeti pli ol unufoje ĉiu sezono.

Kutimaro

Ili estas longdistance migrantoj kaj vintras en orienta Peruo; povas ekzisti aliaj nestolokoj en Sudameriko. Ili migras en aroj. Tiu ĉi specio estis rara vaganto al okcidenta Eŭropo. La gregema naturo de tiu specio estis respegulata en la fakto, ke du individuoj de tiu specio revenis kune al la insuloj Scilly.

Manĝokutimoj

Tiuj birdoj vivas fluge, manĝas fluge. Ili manĝas flugantajn insektojn. Ili kutime manĝas laŭ aroj, flugante proksime kune kaj kriante altatonajn notojn. Zorga observanto povas vidi ilin enirantajn kaj elirantajn kamenojn je altega rapideco, kvazaŭ ili estus estintaj pafitaj. La flugo estas tre distinga: ili faras rapidajn angulajn turniĝojn malkiel plej parto de aliaj birdoj.

Ties populacio povis pliiĝi historie danke al la enmeto de grandaj kamenoj kiel nestolokoj. Kun akurata artefarita habitato malpliiĝanta, ties nombroj malpliiĝas en kelkaj areoj.

Eksteraj ligiloj

• Animal Diversity Web
• Chimney Swift Conservation Project--Driftwood Wildlife Association
• All About Birds--Cornell Laboratory of Ornithology
• Chimney Swift Arkivigite je 2008-05-16 per la retarkivo Wayback Machine--U.S. Geological Survey Patŭent Bird Identification InfoCenter