Kanada Esperanto-Asocio

La Kanada Esperanto-Asocio (KEA; angle: Canadian Esperanto Association, france: Association canadienne d’espéranto) estas la landa Esperanto-asocio de Kanado. Ĝi fondiĝis en 1958 pro iniciato de Dez Hackett post tiucela referendumo en 1957, kaj iusence daŭrigas la pli frue ekzistantan asocion sam-noman kiu fondiĝis en 1907 kaj kiu ĉesis funkcii en 1939 pro la Dua Mondmilito. Instigo al la fondo estis interalie la problemoj ĉirkaŭ Esperanto-Asocio de Norda Ameriko sub George Alan Connor. Kanada Esperanto-Asocio estas Landa Asocio de Universala Esperanto-Asocio, kaj ĝia junulara sekcio, Junularo Esperantista Kanada (kvankam neaktiva lastatempe) estas la kanada sekcio de la Tutmonda Esperantista Junulara Organizo.

Kanada Esperanto-Asocio
landa asocio de UEA
Komenco	1958 vd
Lando(j)	Kanado vd
Sidejo	Otavo
Partoj Junularo Esperantista Kanada vd
Retejo	Oficiala retejo
Jura formo	neprofitcela organizaĵo

Estraro

La estraron de KEA en 2021-2023 konsistigas la jenaj personoj:

• Paul Hopkins, prezidanto
• Geoffrey Greatrex, vicprezidanto
• Bob Williamson, sekretario
• Raymond Brisebois, kasisto
• Redaktoro de la asocia organo: vakas
• Estraranoj: Ĵenja Amis, Garry Evans, Andrew Sly, Tiffany Antopolski, Eric Demers

Komunikado

La revuo de KEA aperas dufoje jare kaj nomiĝas Lumo. KEA funkciigas retejon por la Esperanto-asocioj de Kanado kaj kanadan retgrupon ĉe Yahoo por esperantistoj en Kanado.

Eksteraj ligiloj

• Hejmpaĝo de kanadaj Esperanto-grupoj
• Oficiala retpaĝaro de KEA
• Ret-grupo (Yahoo) de kanadaj esperantistoj Arkivigite je 2006-08-04 per la retarkivo Wayback Machine
• Facebook-paĝo de Kanada Esperanto-Asocio