Malfermi la ĉefan menuon

Katedro Interlingvistiko kaj Esperanto

La internacia lingvo Esperanto estas instruita ekde 1948 ĉe la Universitato de Amsterdamo. En 1997 estis fondita la katedro interlingvistiko kaj Esperanto kiel speciala katedro de la Fakultato de Humanistiko de la Universitato de Amsterdamo. La katedrulo faras esploradon kaj instruas interlingvistikon kun speciala atento al la teorio kaj praktiko de planlingvoj kaj la lingvon kaj kulturon de Esperanto, kiu ludas centran rolon.

Studentoj atingos post sukcesa ekzameno en la fako instruita de la katedrulo la saman nombron de kreditaĵoj kiel por similaj fakoj.

Katedruloj kaj antaŭulojRedakti

D-ro Marc van Oostendorp (1997-2001) d-ro Wim Jansen (2002-2013), d-ro Federico Gobbo (ekde 2014).

Kun tiu ĉi speciala katedro la Universitato de Amsterdamo daŭrigas pli ol duonjarcentan tradicion de edukado en kaj pri Esperanto. En la kreado de la katedro la nomoj de, inter aliaj, Sigismundo Pragano (ekde 1951), Adriana J. Middelkoop (1969 - 1979) kaj Rob Moerbeek (1978 - 1998) estas grave ligitaj.

FinancadoRedakti

Universala Esperanto-Asocio (UEA) respondecas pri la katedro. La katedro estas financata de Universala Esperanto Asocio UEA kaj Esperanto Nederland.