Latineca angla

Latineca angla, Latinesce aŭ Latinised English (nomata en Enciklopedio de Esperanto eble erare Latinecce) estas internacia planlingvo proponita en 1895 kaj rebakita 1901 de skoto George Henderson kiu ankaŭ proponis Anglo-franca. Latinesce estas latinigita angla lingvo, t. e., la vortprovizo estas bazita sur la latina lingvo, kaj la gramatiko sur la angla. Ĝi, kaj Anglo-franca, estas citita de Louis Couturat kaj Leopold Leau, en iliaj Histoire de la langue universelle.

Nombroj (1-10): un, du, tré, quat, quinc, sex, sept, oct, nov, dec.

Patro nia:

Nostre Patre qui esse in coele,
sanctificate esse tue nomine;
veni tue regne;
facte esse tue voluntate ut in coele,
ita in terre.
Da ad nos hodie nostre quotidiane pane;
et remitte ad nos nostre debites,
sicut et nos remitte ad nostre debitores;
induce nos non in tentatione
sed libera nos ab male.

Ĝi ricevis la bibliotekan kodon 417.27 "1901” de Biblioteko Butler.