Leningrada minejo

Leningrada minejo estas la gasokondensata minejo, kiu situas en la Karaa maro, 125 km nord-nord-oriente de la vilaĝo Ĥarasavejo (Jamala-Neneca aŭtonoma distrikto, Tjumena provinco, Rusio) kaj estas parto de la Okcidentsiberia naftogasa provinco. Ĝi estis malkovrita en 1990 kaj plu esplorata.

Leningrada minejo
ruse Ленинградское месторождение
gasminejo • Gasokondensata minejo
Situo: la Karaa maro (Rusio) Geografia situo 72° 30′ 0″ N, 65° 59′ 0″ O (mapo)72.565.983333333333 Leningrada minejo (Aŭtonoma distrikto de la Jamalo-Nenecoj) DEC Leningrada minejo (Rusio) DEC Tipo: gasokondensata minejo Parto de: Okcidentsiberia naftogasa provinco Malkovro: 1990 Statuso: esplorata Kapacito: 71 miliardoj da kubaj metroj (2002)

Geologio

La minejo estas ligita al Rusanova megamuro de la Sud-Karaa sineklizo. Levaĵo laŭ cenomanaj sedimentaĵoj de supera kretaceo havas grandecon 46 x 37 km, altecon 140 m.

Gasohavaj estas kretaceaj terigenaj sedimentaĵoj de cenomaniano (tavolo C), cenomaniano-albiano (la marresalina tavolaro, tavoloj AC₁, AC₂, AC₃), aptiano (la tanopĉa tavolaro, tavolo A₁). La produktohavaj horizontoj kuŝas je profundeco 1099-1895 m. Kuŝejo de la tavolo A₁ estas gasokondensata. La ĉefa kapacito estas ligita al cenomanianaj sedimentaĵoj de supera kretaceo je la profundeco 1099 m.

La produktohavaj sedimentaĵoj konsistas el grejsoj kun intertavoletoj de argiloj kaj aleŭrolitoj. Efika dikeco de la kolektujoj estas 28,3 m, poreco 27%, komenca tavolpremo 11,4 MPa, tavola temperaturo 40 ⁰C. Dum prova elminigado venis po 253 mil m³ a gaso tage (diametro de tubo 19 mm). La produktohavaj sedimentaĵoj havas jenajn karakterizojn: dikeco 8,3-36,3 m, poreco 27%. Pli malsupraj tavoloj: gasosaturita dikeco 8,3-36,3 m, poreco 25-27%, komenca tavolpremo 16,2-20,0 MPa.

En konsisto de la gaso dominas metano, homologoj de metano 0,05-4,59%, azoto 0,71-0,28%, karbonduoksido 0,21-0,16%. En la tavolo A₁ je la profundeco 1895 m enhavo de gasokondensato estas 18,6 gramoj/m³.

En 2002 la komenca gaskapacito estis taksita je 71 miliardoj da kubaj metroj.

Literaturo

• Старосельский, В. И.. [2004] Р. И. Вяхирев: Ленинградское месторождение // Российская газовая энциклопедия (ruse). Москва: Большая Российская энциклопедия, p. 222. ISBN 5-85270-327-3.