Lago de Ohrid
La lago de Ohrid (makedone Охридско Езеро [Oĥridsko Ezero], albane Liqeni mi Ohrit) estas lago en la montriĉa limo inter la sudokcidenta regiono de Nord-Makedonio kaj orienta Albanio. Ĝi estas la plej profunda kaj plej malnova lago en la Balkana duoninsulo, kaj ĝi enhavas unikan ekologian sistemon de tutmonda graveco kun pli ol 200 endemismaj specioj. La graveco de la lago estis plu emfazita kiam ĝi estis deklarita kiel Monda Naturheredaĵo de Unesko en 1980. Tamen, homa agado sur la lagaj bordoj kaj en ĝia baseno rezultas en damaĝo de la ekologia sistemo.
| Lago de Ohrid | ||
|---|---|---|
| ||
| lago • ancient lake | ||
| Ĉefaj elfluoj | Rivero Nigra Drin | |
| Insuloj | neniu | |
| Setlejoj | Ohrid, Struga (Nord-Makedonio); Pogradec (Albanio) | |
| Areo de la baseno | 2600 km² | |
| Landoj de la baseno | Albanio, Nord-Makedonio | |
| Datenoj | ||
| Koordinatoj | 41° 1′ 50″ N, 20° 43′ 3″ O (mapo)41.03055555555620.7175Koordinatoj: 41° 1′ 50″ N, 20° 43′ 3″ O (mapo) | |
| ||
| ||
 Lago de Ohrid | ||
| Supermara alteco | 693 m | |
| Surfaca areo | 358 km² | |
| Maksimuma longo | 30,4 km | |
| Maksimuma larĝo | 14,8 km | |
| Akva volumeno | 55,4 km³ | |
| Maksimuma profundo | 288 m | |
| Averaĝa profundo | 155 m | |
| Borda longo1 | 87.53 km Nord-Makedonio: 56.02 km; Albanio: 31.51 km | |
| 1 Borda longo estas malpreciza mezuro. | ||
Geografio
redakti
Ohrid estas la plej profunda lago de la Balkana duoninsulo kun maksimuma profundaĵo de 288 metroj kaj averaĝa profundaĵo de 155 m. Ĝi kovras areon de 358 km². Laŭ takso ĝi enhavas 55,4 km³ da akvo. La lago estas 30,4 kilometrojn longa kaj 14,8 kilometrojn larĝa je ĝia maksimuma amplekso. La bordo estas 87,53 kilometrojn longa; 56,02 kilometroj estas en Nord-Makedonio, 31,51 kilometroj en Albanio.
Estas tri urboj ĉe la bordo de la lago - Ohrid kaj Struga en Norda Makedonio kaj Pogradec en Albanio. En la urbo Struga elfluas la rivero Nigra Drim.
