Lohn SH

Lohn estas komunumo en Kantono Ŝafhaŭzo, Svislando. Ĝi havis 645 loĝantojn je la 31-a de decembro 2007.

Lohn
Blazono de Lohn
Panorama bildo de Lohn
komunumo en Svislando
Ĝemelurboj Lohn-Ammannsegg vd
Kantono	Ŝafhaŭzo
Distrikto	Ne estas distriktoj en Kantono Ŝafhaŭzo.
Koordinatoj	47° 45′ 0″ N 8° 40′ 0″ O (mapo)
Nombro de loĝantoj	645
Areo	4,87 km²
Alteco	636 m super marnivelo
Poŝtkodo	8235
Komunumkodo	2917
Mapo de Lohn

Geografio

Lohn situas sur la altebenaĵo de Reiat norde de Ŝafhaŭzo. La vilaĝo troviĝas kvazaŭ sur la suna teraso de la kantono kaj oni havas de ĝi mirindan belvidon de la tuta regiono. La vilaĝo troviĝas en kampara regiono. Proksimume triono de la areo de la komunumo estas kovrita per arbaro.

Najbaraj komunumoj

Lohn limas en nordokcidento al Opfertshofen, en nordoriento al Bibern, en sudoriento Thayngen, en sudo Stetten kaj en okcidento Büttenhardt.

Trafiko

Lohn estas atingebla ek de Ŝafhaŭzo per poŝtaŭto kaj per la loka buslino 24 de Verkehrsbetriebe Schaffhausen.

Historio

La unua dokumenta mencio de Lohn datiĝas el testamento de la kavaliro Heinrich von Liebenberg de la 10-a de majo de 1238. En la jaro 1259 la tiama Grafo de Kiburgo donacis la setlejon Lohn al la Monaĥejo Paradies. La 14-an de aprilo 1529 la Voktejo Lohn estis vendita por 145 guldenoj al la urbo Ŝafhaŭzo.

Vidu ankaŭ

• Aliaj lokoj kun la nomo Lohn

Eksteraj ligiloj

• Oficiala retejo de la komunumo Lohn
• Lohn SH en la Historia Leksikono de Svislando  (germane, france, itale)