Madagaskara motacilo
La Madagaskara motacilo (Motacilla flaviventris) estas mezgranda paseroforma birdo el la familio Motaciledoj, kiu enhavas motacilojn, pipiojn kaj longungulojn. La afrotropisa specio vivas kiel endemia nur en Madagaskaro.
 | ||||||||||||||
|---|---|---|---|---|---|---|---|---|---|---|---|---|---|---|
 Madagaskara motacilo
| ||||||||||||||
| Biologia klasado | ||||||||||||||
| ||||||||||||||
| Motacilla flaviventris (Hartlaub, 1860) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
Ties natura habitato estas subtropikaj aŭ tropikaj laŭsezone humidaj aŭ inunditaj herbejoj de malaltaj teroj kaj riveroj.
La latina genro nomo origine signifas "etan movanton", sed iuj verkistoj de la mezepoko pensis ke ĝi signifas "vostomovanto", kaŭzante novan latinan vorton cilla por "vosto".[1] La specifa epiteto flaviventris estas latina vorto por "de flava ventro" kiu estas distingila karaktero inter afrikaj motaciloj plej proksime parencoj nome la Kablanda motacilo kaj la Afrika montarmotacilo. Dume la aliaj flavventraj motaciloj kiaj la Montarmotacilo kaj la Flava motacilo estas tiom proksimaj nek geografie nek taksonomie.
Tiu specio, kiel dirite, havas flavan ventron, sed kun blankecaj flankoj, tre blanka gorĝo kaj blanka brusto trapasata de tre larĝa kaj markata nigra brustozono kun formo de V, simila al tiuj de la parencaj Kablanda motacilo kaj Afrika montarmotacilo. La supraj partoj estas grizaj kun blankaj superokula strio kaj kelkaj makuletoj en orelareo. La vosto estas longa kaj griza kun blankaj eksteraj plumoj. La beko kaj kruroj estas nigrecaj.
Referencoj
redakti- ↑ Jobling, James. (1991) A Dictionary of Scientific Bird Names. Oxford University Press. ISBN 0198546343.
- BirdLife International 2004. Motacilla flaviventris. 2006 IUCN Ruĝa Listo de Minacataj Specioj. Konsultita la 26an de julio 2007.
