Melissa Gilbert

Melissa Ellen GILBERT (8a de majo, 1964) estas usona aktorino kaj reĝisoro de televido.

Melissa Gilbert
Persona informo
Melissa Ellen Gilbert
Naskiĝo	8-an de majo 1964 (1964-05-08) (58-jara) en Los-Anĝeleso
Lingvoj	angla [#]
Ŝtataneco	Usono [#]
Alma mater	The Buckley School [#]
Partio	Demokrata Partio [#]
Familio
Patro	Paul Gilbert [#]
Gefratoj	Jonathan Gilbert • Sara Gilbert [#]
Edz(in)o	Bruce Boxleitner • Timothy Busfield [#]
Infanoj	2
Profesio
Okupo	aktoro • aŭtobiografo • televida aktoro • teatra aktoro • sindikatisto • filmaktoro • voĉaktoro • filmproduktoro • verkisto de porinfana literaturo [#]
Aktiva dum	1975– [#]
Honorigoj Honorigoj Theatre World Award • stelo sur la Trotuaro de famo en Holivudo [#]
Membrecoj Membrecoj SAG-AFTRA • Screen Actors Guild [#]
En TTT	Oficiala retejo [#]
[#]	Fonto: Vikidatumoj

Melissa Gilbert kiel Laura Ingalls, ĉirkauŭ 1975.

Gilbert ekkarieris kiel infana aktorino post aperi en kelkaj komercaj reklamaĵoj fine de la 1960-aj jaroj, aperante ankaŭ en kelkaj gastroloj en televido. El 1974 ĝis 1984 ŝi famis pro sia rolo kiel Laura Ingalls Wilder, la dua plej aĝa filino de Charles Ingalls (ludita de Michael Landon) en la televida serio de NBC nome Little House on the Prairie. Dum la produktado de Little House, Gilbert ankaŭ aperis en kelkaj popularaj televidfilmoj, kiel The Diary of Anne Frank kaj The Miracle Worker.

Poste, ŝi pluigis sian karieron ĉefe en televidaj filmoj. Gilbert ankaŭ pluigis per gastostelaj roloj en televido kaj faris voĉolaboron por animacio kiel ĉe Batman: The Animated Series kiel Barbara Gordon / Batgirl. El 2009 ĝis 2010, Gilbert aperis kiel Caroline "Ma" Ingalls en la turnea produktado de Little House on the Prairie, the Musical. En 2012, ŝi konkurencis en la 14a sezono de la populara danca realkonkurencprogramo Dancing with the Stars en ABC.