Mikulovice (distrikto Pardubice)

Por aliaj signifoj, bv. rigardi la apartigilan paĝon: Mikulovice

Vilaĝo Mikulovice situas en Ĉeĥio, regiono Pardubice, distrikto Pardubice, 5 km sude de la urbo Pardubice kaj 5 km norde de la urbo Chrudim, ĉe la ŝoseo n-ro 37 kaj ŝoseo n-ro 324 el Pardubice al Chrudim. Vivas ĉi tie 1 374 loĝantoj (2024).

Mikulovice
municipo
Preĝejo de sankta Venceslao martiro en Mikulovice
Flago Blazono
Oficiala nomo: Mikulovice
Ŝtato	Ĉeĥio
Regiono	Regiono Pardubice
Distrikto	Distrikto Pardubice
Administra municipo	Pardubice
Historia regiono	Bohemio
Montaro	Svitava montetaro
Situo	Mikulovice
- alteco	252 m s. m.
- koordinatoj	49° 59′ 18″ N 15° 46′ 42″ O (mapo)
Areo	3,44 km² (344 ha)
Loĝantaro	1 374 (2024)
Denseco	399,42 loĝ./km²
Unua skribmencio	1382
Horzono	MET (UTC+1)
- somera tempo	MET (UTC+2)
Poŝtkodo	530 02
NUTS 3	CZ053
NUTS 4	CZ0532
NUTS 5	CZ0532 575372
Katastraj teritorioj	2
Partoj de municipo	2
Bazaj setlejunuoj	2
Situo enkadre de Ĉeĥio Situo enkadre de Ĉeĥio
Vikimedia Komunejo: Mikulovice
Retpaĝo: www.obecmikulovice.cz
Portalo pri Ĉeĥio

La najbaraj municipoj de la setlejo estas Chrudim, Pardubice, Dřenice, Staré Jesenčany kaj Ostřešany.

Historio

La unua historia mencio pri la vilaĝo datiĝas al la jaro 1384. Tamen arĥeologiaj esploroj, ĉefe faritaj en la jaroj 2008 kaj 2009 pruvas, ke la teritorio estis prisetlita jam antaŭ multaj jaroj. Temis pri sava esploro antaŭ konstruo de familiaj domoj. La lokaĵo estas polikultura: trovaĵoj estas el la jaroj de 2 mil a.K. ĝis komenco de nia erao. La trovaĵoj apartenas al t.n. unětická kulturo, al bronza kaj roma eraoj.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	617
1880	649
1890	797
1900	831
1910	983
1921	881

Jaro	Loĝantoj
1930	930
1950	844
1961	879
1970	799
1980	781
1991	720

Jaro	Loĝantoj
2001	796
2014	1 141
2016	1 197
2017	1 217
2018	1 261
2019	1 265

Jaro	Loĝantoj
2020	1 262
2021	1 345
2022	1 296
2023	1 381
2024	1 374

Partoj de municipo

• Mikulovice
• Blato

Vidindaĵoj

Preĝejo kaj tombejo

Sur orienta flanko de la vilaĝo sur monteto estas de malproksime videbla dominanta preĝejo de Sankta Venceslao kaj tombejo. Origine la kirko estis konstruita en la 2-a duono de 15-a jarcento, sed en tridekjara milito ĝi estis tute forbruligita fare de svedaj militistoj. Nove estis konstruita nur en la jaro 1769.

Ĝi estas ununava kun malpli larĝa kvadrata presbiterejo, apuda sakristio kaj kun prisma turo fronte. La ĉefa fasado estas kronita per voluta ŝildo. Presbiterejo kaj sakristio estas volbitaj per plataĵo, la navo havas ebenan plafonon. Sur plafono de presbiterejo estas pentraĵo de Kronado de Virgulino Maria kaj scenoj el la vivo de Sankta Venceslao. Iluzia pentrita arĥitekturo de ĉefaltaro estas de Kramolín el la jaro 1792, statuoj de du sanktuloj sur norda altaro, suda altaro, predikejo, benkoj, orgeno kaj krucifikso devenas el la duono de 18-a jarcento. Stana baptujo estas datita 1483. Forĝita krucifikso sur la tombejo estas el la jaro 1781.

Paroĥejo

Domo n-ro 1, estinta malfrubaroka paroĥejo, estas duetaĝa kun neriĉe dividita fasado.

Literaturo

• Marek Podhorský: Pardubický kraj. Eldonis freytag & berndt, eldonejo en Prago en j. 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Pluaj fotoj

• 
  Baza lernejo
• 
  Malnova lernejo
• 
  Preĝejo de sankta Venceslao
• 
  Paroĥestrejo
• 
  Strato Na kopci
• 
  Vilaĝplaca fiŝlago

Eksteraj ligiloj

• Paĝoj de mikroregiono Malantaŭ la flughaveno ĉeĥe