Hessigkofen
Hessigkofen estas iama komunumo kaj ek de la 1-a de januaro 2014 parto de la nova komunumo Buchegg en la Distrikto Bucheggberg en Kantono Soloturno, Svislando. Ĝi havis 265 loĝantojn je la 31-a de decembro 2010.
| Hessigkofen | |
|---|---|
 | |
| Blazono de Hessigkofen | |
 | |
| Moderna loĝdomo en la kmapara Hessigkofen | |
| former municipality of Switzerland • komunumoparto en Germanio | |
| Kantono | Soloturno |
| Komunumo(j) | Buchegg |
| Geografia situo | CH1903: 602127 / 221188 (mapo)47.1416666666677.4666666666667Koordinatoj: 47° 9′ N, 7° 28′ O; CH1903: 602127 / 221188 (mapo) |
| Nombro de loĝantoj | 265 |
| Areo | 2,25 km² |
| Alteco | 589 m super marnivelo |
| Poŝtkodo | 4577 |
 | |
| Mapo de Hessigkofen | |
Geografio redakti
Hessigkofen situas sur la dorso de Bucheggberg, proksimume 8 kilometrojn sudokcidente de la kantonĉefurbo Soloturno. La iama komunumo konsistas el la vilaĝo Hessigkofen kaj la setlejoj Schmärleiben, Neumatt, Rigi, Buchi kaj Hinterfeld. La plej alta punkto de la iama komunumo situas sur la monteto Ämit sur alteco de 626 m s.m. en sudo de la komunumo. Oriente situas la arbara monteto Wallisberg kun alteco de 613 m s.m.. La teritorio de la iama komunumo etendiĝis sur areo de 2,25 km², de kiuj 33% estas kovritaj de arbaro, 56% servas por agrikulturo kaj 11% por setlado.[1]
Najbaraj komunumoj redakti
La iama komunumo Hessigkofen limis en nordo al Bibern, en oriento al Tscheppach, en sudo al Mühledorf, en sudokcidento al Lüterswil-Gächliwil, kaj en okcidento al Gossliwil.
Trafiko redakti
Hessigkofen situas flanke de la gravaj trafikvojoj. Tra la komunumo pasas de oriento al okcidento vojo de Lüterkofen al Gächliwil, kaj de nordo al sudo la vojo n-ro 1308 de Bibern al Mühledorf. Per la poŝtaŭtolinio de la stacidomo de Lohn-Lüterkofen al Schnottwil kaj per la taksibuso Bucheggberg la komunumo estas konektita al la publika transportreto.
Historio redakti
La unua dokumenta mencio de Hessigkofen datiĝas el la jaro 1034 kiel Esikouen. En la jaro 1961 estis trovita en Hessigkofen ujoŝtono kun 27 bone konservitaj ujoj. Apud la iama interezdomo estis trovitaj restaĵoj de iama romia setlejo. Dum mezepoko Hessigkofen apartenis al la Senjorujo Buchegg, kiu estis parto de la kampargrafejo Etburgonjo kaj fariĝis en la jaro 1391 havaĵo de la urbo Soloturno.[2]
Kun efiko de la 1-a de januaro 2014 la iamaj komunumoj Aetigkofen, Aetingen, Bibern, Brügglen, Gossliwil, Hessigkofen, Küttigkofen, Kyburg-Buchegg, Mühledorf kaj Tscheppach estis kunigitaj al la nova komunumo Buchegg.[3]
Notoj kaj referencoj redakti
Eksteraj ligiloj redakti
- Oficiala retejo de la komunumo Hessigkofen
- Hessigkofen en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Hessigkofen – (Kolekto de bildoj kaj plurmediaj dosieroj)