Novosibirsko

	Novosibirsko; (Novonikolajevsk)
	ruse Новосибирск
	urbo
	Fotomontaĵo Katedralo de Aleksandro Nevskij, teatro de Opero kaj Ballet, ĉefa fervoja stacidomo, ludilo fervojo, komerca korpo, cirko
Flago	Blazono
	Oficiala nomo: Новосибирск
	Kromnomo: Novosib
Lando	Rusio
Teritorio	Siberio
Regiono	Siberia federacia distrikto
Provinco	Novosibirska provinco
Transporto	-
- fervojo	Transsiberia fervojo
- metroo	Metroo de Novosibirsko
Rivero	Obo
Situo	Novosibirsko
- alteco	150 m s. m.
- koordinatoj	55° 01′ 10″ N 82° 55′ 22″ O / 55.01944 °N, 82.92278 °O (mapo)
Areo	503,1 km² (50 310 ha)
Loĝantaro	1 473 737 (2010)
Denseco	2 929,31 loĝ./km²
Fondita	1893
Urbestro	Anatolij Lokot
Horzono	UTC (UTC+7)
Poŝtkodo	630000–630992, 901073, 901077
Telefona antaŭkodo	+7 383
OKATO	50 401
Aŭtokodoj	54, 154
	Situo enkadre de Rusio Situo enkadre de Rusio
	Urbaj partoj de Novosibirsko Urbaj partoj de Novosibirsko
	Situo enkadre de Novosibirska provinco Situo enkadre de Novosibirska provinco
	Vikimedia Komunejo: Novosibirsk
	Retpaĝo: www.novo-sibirsk.ru

Koordinatoj: 55° 01′ 10″ N 82° 55′ 22″ O / 55.01944 °N, 82.92278 °O (mapo)

Novosibirsko (ruse Новосибирск) estas la plej granda urbo de Siberio, kaj la tria plej granda urbo de Rusio. Novosibirsko estas ĉefurbo de la Novosibirska provinco kaj Siberia federacia distrikto ĉe la rivero Obo sur la Transsiberia fervojo.

En Novosibirsko troviĝas internacia flughaveno, enlanda ŝipa haveno, bushaveno kaj haltejo de la Transsiberia fervojo. La urbo estas la krucpunkto de la okcident-siberia nacia kaj internacia komerco, financaj kaj industriaj rilatoj. Tie troviĝas multaj universitatoj kaj altlernejoj (sume 13). Energion provizas interalie la granda Novosibirska hidroelektra centralo.

La urbo estis fondita en la jaro 1893 pro konstruado de ponto de la trasiberia fervojo tra la rivero Obo. Tiam ĝi estis nomita Novaja Derevnja (Новая Деревня). Jam en 1894 ĝi ricevis la novan nomon, Aleksandrovskij (Александровский). Sed ankaŭ ĝi validis nur unu jaron. En 1895 venis la tria nomo: Novonikolajevskij (Новониколаевский).

En 1903 Novonikolajevskij ekhavis la statuson de urbo — kaj jam denove iom alian nomon: Novonikolajevsk (Новониколаевск). En 1925 finfine oni donis la kvinan kaj ĝis nun lastan nomon, Novosibirsko. En 1959 la urbo havis 885.000 loĝantojn, en 2004 estis jam 1.434.000 homoj.

La interurba telefona kodo estas 383, la enurbaj telefonnumeroj estas sepciferaj (ekde la jaro 2005). Diferenco de la loka kaj moskva tempoj estas 4 horoj. Kodo de OKATO de la urbo (en la jaro 2005) estas 50401.

Inter plej famaj firmaoj de la urbo estas 2GIS, kiu nun agadas tra la tuta Rusio kaj deko de aliaj landoj, tamen ĝia ĉefsidejo plu troviĝas en Novosibirsko.

Esperanto-movado en Novosibirsko

„ En 1977 Novosibirska centra urba klubo de esperantistoj festis tri jubileojn: la 10-an jaron de oficialiĝo, la 20-an de ekzisto, kaj la 90-an de Esperanto^[1] ”