Orientaj Pireneoj

Pyrénées-Orientales [piʁene oʁjɑ̃tal] aŭ Orientaj Pireneoj (katalune Pirineus Orientals, okcitane Pirenèus Orientals) estas unu el la departementoj de la franca regiono Okcitanio. Ĝi plejparte sekvas la malnovajn limojn de la provinco Rusiljono kaj estas la sola departemento de tiu regiono, kie oni parolas la katalunan lingvon en aparta dialekto: la nord-kataluna (ca) (katalune català septentrional aŭ rossellonès), kune kun la franca kaj (norde, en Fenolleda) la okcitana. Rusiljono estas la norda parto de Katalunio (Nord-Katalunio).

Pyrénées-Orientales
departemento de Francio
Administrado
Lando	Francio
Regiono	Okcitanio
Numero	66
Prefektejo	Perpinjano
Subprefektejoj	Céret Prades
Prezidanto de la departementa konsilio	Hermeline Malherbe-Laurent
Prefekto	Josiane Chevalier
Statistikaĵoj
Loĝantaro	487 307 (2021)
Areo	4 116 km²
Loĝdenso	118 /km²
Subdividoj
Arondismentoj	3
Kantonoj	17
Komunumaroj	13
Komunumoj	226

Ĝi etendiĝas sur 4 116 km² kaj havas 462 705 loĝantojn. La ĉefurbo estas Perpinjano. La departemento enhavas 226 komunumojn.

Arondismentoj

La departemento dividiĝas al tri arondismentoj:

• arondismento Céret/Ceret
• arondismento Perpignan/Perpinyà (Perpinjano)
• arondismento Prades/Prada

Geografio

Situante ĉe la Mediteranea marbordo, tiu ĉi departemento posedas ankaŭ sur sia teritorio parton de la Pireneoj. Pro tio ĝi ĝuas grandegan diversecon da pejzaĝoj.

Ekonomio

La ekonomia vivo konsistas el agrikulturo (kultivado de legomoj kaj fruktoj, vinberejoj, bredado en la montaraj zonoj), fiŝkaptado en la Mediteranea maro, sed estas malmulte da industrioj.

Turismo

Turismo ludas apartan rolon danke al la bela marbordo (longaj plaĝoj, fiŝkaptistaj vilaĝetoj kiel Collioure, plezurhavenoj en Port-Barcarès aŭ Saint-Cyprien), la montaro kun ĉiaj sportoj (ekskursado, akvosportoj, skiado…), ban-urboj inter la plej famaj de Francio (Amélie-les-Bains-Palalda, Le Boulou, Vernet-les-Bains).

Vidu ankaŭ

• Komunumoj de Pyrénées-Orientales

Eksteraj ligiloj

• Departementa konsilio de Pyrénées-Orientales Arkivigite je 2007-10-12 per la retarkivo Wayback Machine
• Turismo en Pyrénées-Orientales