Orta triangulo

Orta triangulo estas triangulo, unu el kies anguloj estas orta.

La sumo de la du malgrandaj kvadratoj havas la saman areon ol la granda, do a² + b² = c²

La plej longa latero - do tiu kontraŭa al la orto - nomiĝas hipotenuzo, la aliaj du katetoj.

La fama teoremo de Pitagoro diras: La sumo de la kvadratoj de la katetoj (a kaj b) egalas al la kvadrato de la hipotenuzo (c). Tion montras la apuda bildo.

Areo

• La areo de triangulo estas egala al la duon-produto inter la longo de unu bazo kaj la alto relativa al tiu:

$A={\frac {b\cdot h}{2}}$

kie b estas la bazo de la triangulo kaj h estas la alto koresponda al tiu bazo (oni povas konsideri ajnan lateron kiel bazo).

• Se la triangulo estas orta, la alto koincidas kun unu el la katetoj, pro kio la areo estas egala al la duonproduto de la katetoj:

$A={\frac {a\cdot b}{2}}$

kie a kaj b estas la katetoj.

• Se oni scias la longojn de ĝiaj lateroj, oni povas apliki la formulon de Heron.

$A={\sqrt {s(s-a)(s-b)(s-c)}}$

kie a, b, c estas la valoroj de la longoj de ties lateroj, s = ½ (a + b + c) estas la duonperimetro de la triangulo.

Vidu ankaŭ

• Specialaj ortaj trianguloj
• Trigonometria funkcio
• Inversa trigonometria funkcio