Pacifika ardeo

La Pacifika ardeo, Blankakapa ardeo aŭ malpli precize sed pli disvastigate Blankakola ardeo (Ardea pacifica), troviĝas ĉefe en Aŭstralio (escepte ĉe la plej aridaj regionoj centrokcidentaj) sed ankaŭ tra Novgvineo kaj Tasmanio, kaj ĝi estas vaganto al Novzelando.

Kiel legi la taksonomion Pacifika ardeo
Pacifika ardeo, en Edithvale, Melburno, Aŭstralio
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Pelikanoformaj Pelecaniformes Familio: Ardeedoj Ardeidae Genro: Ardea Specio: A. pacifica
Dunomo
Ardea pacifica (Latham, 1801)
Konserva statuso
Konserva statuso: Malplej zorgiga
Aliaj Vikimediaj projektoj

Aspekto

Pacifika ardeo inter arboj.

Fluganta ardeo montrante tipan ardean flugmanieron nome kun faldita kolo kaj etenditaj kruroj.

Ĝi estas relative granda kaj fortika ardeo, 76 ĝis 196 cm longa kun enverguro de 147 ĝis 160 cm kaj pezo de ĉirkaŭ 860 gramoj. apenaŭ estas seksa dimorfismo. Estas ardeo kun malhelaj ardezgrizaj flugiloj kaj korpo, kaj blankaj kapo (sen malhela supraokula plumotufo de aliaj ardespecioj) kaj ardelonga kolo (kun antaŭaj malhelaj liniaj punktoj anstataŭ tutlinioj). La kruroj estas malhelbrunaj al nigrecaj. La irisoj helaj. La beko longa, pintakra harpuneca kaj malhela kun pli hela nuanco en suba makzelo kaj malhela mallarĝa brido ĝis la okulo.

Kutimaro

Ties habitato ĉefe estas nesalakvaj humidejoj kaj humidaj herbejoj.

Ili manĝas fiŝojn, ranojn, insektojn kaj reptiliojn.

Ili nestumas en mortintaj aŭ vivantaj arboj asociaj kun nesalakvaj humidejoj. En kolonioj povas reproduktiĝi ĉe aliaj ardeoj, kormoranoj, ibisoj kaj aliaj vadbirdoj.

Ili povas vivi ĝis 30 jarojn.

Statuso

Disvastigata tra ties granda teritorio, la Pacifika ardeo estas pritaksata kiel Malplej Zorgiga ĉe la IUCN Ruĝa Listo de Mincataj Specioj.

Referencoj

Bibliografio

• Marchant, S.; & Higgins, P.J. (kunordigantoj). (2000). Handbook of Australian, New Zealand and Antarctic Birds. Vol.1: Ratites to Ducks. Oxford University Press: Melbourne. ISBN 0-19-553068-3
• Peter Rowland. Vögel in Australien. Giessen 2000.

Eksteraj ligiloj

• BirdLife Species Factsheet Arkivigite je 2007-09-29 per la retarkivo Wayback Machine

Bildaro

• 
  Dumfluge
• 
  Fiŝkapte
• 
  En Edithvale, Melburno, Aŭstralio
• 
  En Edithvale, Melburno, Aŭstralio
• 
  Montrante klaran kontraston inter blankaj kapo kaj kolo rilate al malhela ardezgriza dorso