Passwang-Pasejo

Passwang-Pasejo (prononcu: pasvang) estas montpasejo en Soloturna Ĵuraso, kiu konektas la komunumon Breitenbach en la distrikto Thierstein en nordo kun la komunumo Balsthal en la distrikto Thal en sudo.

Passwang-Pasejo
montpasejo • monto
Alteco	943 m
Geografia situo	CH1903: 616431 / 245299 (mapo)47.3583333333337.6561111111111
Passwang-Pasejo (Soloturno) DEC Situo de Passwang-Pasejo
Passwang-Pasejo (Svislando) DEC Situo de Passwang-Pasejo
Lando	Svislando
Montaro	Ĵuraso
Akvodislimo inter	Lüssel→Birs→Rejno kaj Ramiswilerbach→Augstbach→ Dünnern→Aro
Ligas	Breitenbach kaj Balsthal
Infrastrukturo	Kantona ĉefvojo, tunelo, poŝtaŭto

La pasejvojo

Tra la pasejo kondukas la kantona ĉefvojo nr-0 253. La norda rampo al la pasejo komenciĝas en Breitenbach sur alteco de 392 m s.m. La vojo kondukas tra la komunumoj Büsserach kaj Erschwil unue per modesta grimpo por poste en Beinwil pli deklive altiĝi ĝis la pasejkulmino sur alteco de 943 m s.m. Sur la pasejkulmino tunelo konektas la nordan kun la suda flanko. Norde de la pasejkulmino fontas la rivero Lüssel. La suda rampo komenciĝas en Balsthal kaj ĝis okcidente de Ramiswil kongruas kun la suda rampo de Schelten-Pasejo. La vojo grimpas tra Mümliswil kaj Ramiswil ĝis al la suda portalo de la kulmina tunelo. La maksimuma grimpo ambaŭflanke de la pasejkulmino estas 11%. La vojo trans Passwang-Pasejo estas la plej rekta kaj mallonga konekto inter la suda kaj norda parto de Kantono Soloturno.

Historio

Passwang estis en la jaro 1252 unuan fojon menciita kiel pasejvojo. Trafikpolitikan signifon Passwang ricevis relative malfrue. Por eviti bazelajn doganpagojn Soloturno konstruis en la 18-a jarcento la vetureblan vojon trans Passwang-Pasejo. En la jaroj 1729 ĝis 1732 estis konstruita la longa ponto apud Erschwil kaj la digo apud Dürrenast. En la jaroj 1931 ĝis 1933 estis konstruita la pasejkulmina tunelo.

Eksteraj ligiloj

• Passwang-Pasejo en la Historia Leksikono de Svislando  (germane, france, itale)

Bildoj

• 
  La malnova pasejkulminvojo
• 
  Vojindikilo apud la norda tunelportalo
• 
  La pasejvojo norde de la pasejkulmino en Beinwil
• 
  La suda tunelportalo
• 
  Ĵurasa pejzaĝo sur la pasejkulmino