Peter Becker (reformaciisto)
Petrus BECKER (1491-1563) konata ankaŭ kiel Petrus Artopoeus (Koszalin,Okcidenta Pomerio, 1491 - Koszalin, Okcidenta Pomerio, 29-a de marto 1563) estis germana evangelia teologo, lingvisto, filologo, reformaciisto kaj aŭtoro de filologaj kaj teologiaj traktaĵoj krom "Grammatica Hebraica, Graeca & Latina".
Petrus Becker (1491-1563) | ||
---|---|---|
Petrus Becker estis germana teologo.
| ||
Persona informo | ||
Naskiĝo | 1-an de januaro 1491 en Koszalin | |
Morto | 29-a de marto 1563 en Koszalin | |
Religio | luteranismo vd | |
Lingvoj | germana vd | |
Ŝtataneco | Germanio vd | |
Alma mater | Universitato de Königsberg Universitato de Wittenberg | |
Profesio | ||
Okupo | teologo vd | |
vd | Fonto: Vikidatumoj | |
Vivo redakti
Becker studis teologion en la Universitato de Wittenberg, sub la gvidado de Marteno Lutero, Filipo Melanktono kaj tre eble Johannes Bugenhagen. Komence li laboris kiel instruisto en sia naskiĝurbo sed baldaŭ li kverelis kun la tiamaj papistoj kaj estis forpelita de la klerikularo. Do li iĝis instruisto en la latina lernejo en Rügenwalde.
Pli malfrue li estis nomumita rektoro de la urba lernejo en Ŝtetino en 1540. Kaj en Ŝtetino li estis la unua homo nomumita "pastor primarius" en la Preĝejo de Sankta Maria. Li estis amiko de la teologo Andreas Osiander, kiu laboris en la Universitato de Königsberg, kaj estis en korespondado kun li.
Kiam Becker venis sub suspekton de esti subtenanto de la pravigo-doktrino de Osiander, li estis arestita fare de princo Barnim la 11-a (1501-1573), kondukita al Belgard, Neustettin kaj finfine al Wollin. Becker faris publikan pardonpeton, kvankam la Ŝtetina konsilantaro konsideris la Osiandrismon kiel herezon kaj minacis lin, ne malpli ol la papeco. Becker refalis en siajn antaŭajn konsiderojn kaj estis tial malŝarĝita de sia posteno en 1556 surbaze de raporto de la Wittenbergaj teologoj kaj forpelita de Ŝtetino. Liaj skribaĵoj estis bruligitaj. Li tiam revenis al Koszalin, kie li vivis kiel privata civitano kaj mortis en 1563. Philipp Melanchthon helpis lin kaj ne lasis lin malriĉiĝi.
Sub la nomo Petrus Artopoeus li publikigis teologiajn verkojn kaj gramatikon de la hebrea, greka kaj latina lingvoj. Unu el liaj teologiaj verkoj estis metita sur la Indekson de Malpermesitaj Skriboj fare de Vatikano.
Vidu ankaŭ redakti
- Ambrosius Catherinus Politus (1484-1553)
- Johannes Bugenhagen (1485-1558)
- Andreas Osiander (1496-1552)
- Wolfgang Musculus Dusanus (1497-1563)
- Barnim la 11-a (Pomerio-Szczecin) (1501-1573)
- Peder Palladius (1503-1560)
- Andreas Hyperius (1511-1564)
- Matthäus Vogel (Teologo) (1519-1591)
- Hermann Becker (1632-1681)
- Petrus Becher (1672-1753)
- Christian Wolff (1679-1754)
- Johann Bernhard Wiedeburg (1687-1766)
- Matthäus Vogel (Jesuito) (1695-1766)
- Johann Ludwig Engel (1699-1758)