Ponto de Bercy

Por aliaj signifoj, bv. rigardi la apartigilan paĝon: Bercy

La Ponto de Bercy (france Pont de Bercy) estas ponto super la rivero Sejno kiu ligas la 12-an arondismenton kun la 13-a arondismento de Parizo.

Ponto de Bercy
Pont de Bercy
Ponto de Bercy
metro bridge • arkoponto
Situo
Lando	Francio
Regiono	Francilio
Departemento	Paris
Komunumoj	Parizo
Koordinatoj	48° 50′ 17″ N, 2° 22′ 30″ O (mapo)48.8380562.375
Transiras	Sejno
Ecoj
Tipo	Arkoponto
Longo	175 m
Larĝo	40 m
Materialo	ŝtono kaj ŝtalbetono
Konstruado
Datoj de konstruo	Inter 1863 kaj 1864
Mapo
Geografia lokigo sur la mapo : Francio Ponto de Bercy (Francio) DEC Ponto de Bercy Ponto de Bercy Geografia lokigo sur la mapo : Parizo Ponto de Bercy (Parizo) DEC Ponto de Bercy Ponto de Bercy

Historio

La Ponto de Bercy estis konstruita por anstataŭigi antaŭan pendoponton kiu estis inaŭgurita en 1832 kaj kies strukturo estis nesufiĉa por elporti la tiaman trafikon. Tial, inter 1863 kaj 1864 oni konstruis multe pli rezistan ponton.

En 1904, la strukturo estis plilarĝigita de 5,50 metroj por povi subteni viadukton de la linio 6 de la Metroo de Parizo.

Metroo de Linio 6

En 1986, estis decidita denova plilarĝigo por aldoni tri pliajn lenojn. Tiucele oni duobligis la ponton konstruante alian similan kaj simetrian al la tiama. Ambaŭ diferenciĝis nur per la uzita materialo tial ke la nova ponto estis farita el ŝtalbetono kovrita per ŝtono por daŭrigi la stilon de la malnova. La konstrulaboroj, komencitaj en 1989, finiĝis en 1992 kaj estis konfiditaj al novklasika arĥiteko Christian Langlois, fakulo pri restaŭrado kaj pliampleksigo de malnovaj konstruaĵoj.

Vidu ankaŭ

• Linio 6 de la metroo de Parizo

Eksteraj ligiloj

• Ponto de Bercy ĉe "Structurae"

Fonto

En tiu ĉi artikolo estas uzita traduko de teksto el la artikolo Puente de Bercy en la hispana Vikipedio.