Hirako

La hirakoj aŭ prokavioj estas familio (Procaviidae) de mamuloj de la ordo Hyracoidea (prokaviuloj). Ili estas distribuataj en Afriko kaj Arabio.

Kiel legi la taksonomion Hirakoj
Troveblo de fosilioj: Frua Eoceno - Lastatempa
Heterohyrax brucei
Biologia klasado
Regno: Animaloj Animalia Filumo: Ĥorduloj Chordata Klaso: Mamuloj Mammalia Infraklaso: Placentuloj Eutheria Superordo: Afrotheria Ordo: Hyracoidea Huxley, 1869 Familio: Procaviidae, Prokaviedoj aŭ Hirkaoj Thomas, 1892
Genera
Procavia Heterohyrax Dendrohyrax
Aliaj Vikimediaj projektoj

Kvankam la hirakoj gardas iun similan eksteran aspekton kun ronĝuloj kiel la kavio aŭ la marmoto, fakte ili estas speco de hufuloj. Nuntempe oni konsideras ilin kiel la plej proksimajn vivantajn parencojn al la elefantoj kaj la manatoj, eĉ se ilia fizika aspekto estas tre malsama, kaŭzita de la diverĝa evoluo.

Konduto

Ili kutimas vivi en grupoj kaj komunikas inter si per diversaj krioj. La grundaj specioj estas tagaj kaj pli gregaj, ili rifuĝas sin de la predantoj en nestoj kaj fendoj de la rokoj. La arbaj specioj estas noktaj kaj vivas en grupoj pli malgrandaj kiuj kutimas rifuĝiĝi en la truoj de la arboj dum la tago. Ili nutras sin per malsamaj vegetaloj dependante de la tipo de specio.

Ili estas malgrandaj herbo-manĝuloj kiuj okupas ekologian niĉon kaj similan biotopon al tiu de la kunikloj kaj estas la plej similaj al la malgrandaj prahufuloj de la Terciara Erao. Ili posedas kvar fingrojn antaŭe kaj tri en la postaj membroj, ili posedas hufojn kaj unu ungon en la interna fingro uzata por skrapi sin.

La specioj de la genro Procavia estas komunaj en la tuta Afriko, krom Madagaskaro, kaj ĉefe en la stepoj de Arabio, Palestino kaj Sirio; ili loĝas en nestoj aŭ en la arboj.

Malgraŭ ilia malgrandeco, la hirakoj kundividas iujn nekutimajn karakterizaĵojn kun la rostruloj (elefantoj kaj ties malaperintaj parencoj) kaj sirenoj (manatoj kaj dugongoj), tial ili estas kolektitaj en la grupo Paenungulata. La maskloj malhavas skroton kaj iliaj testikoj situas en la abdomena kavo proksime de la renoj, kiel la elefantoj, manatoj kaj dugongoj. Iliaj dentegoj disvolviĝas el la tranĉodentoj, same kiel la elefantoj; la plimulto de la mamuloj disvolvas ilin el la kaninoj. La hirakoj kiel la elefantoj, havas ebenajn ungojn, anstataŭ ungegoj kiel en multaj aliaj mamuloj.

Genroj kaj specioj

Oni priskribis la sekvajn genrojn kaj speciojn:

• Genro Gigantohyrax Kitching, 1965 †
  • Gigantohyrax maguirei Kitching, 1965
• Genro Rupestrohyrax Pickford, 2015 †
  • Rupestrohyrax palustris Pickford, 2015 †
• Genro Dendrohyrax
  • Dendrohyrax arboreus
  • Dendrohyrax dorsalis
• Genro Heterohyrax
  • Heterohyrax auricampensis Rasmussen, Pickford, Mein, Senut & Conroy, 1996 †
  • Heterohyrax brucei
• Genro Procavia
  • Procavia antiqua Broom, 1934 †
  • Procavia capensis (Pallas, 1766)
  • Procavia pliocenica Pickford, 2005 †
  • Procavia transvaalensis Shaw, 1937 †