Rekta agado (sindikato)
Rekta agado (ukraine Пряма дія) estas sendependa sindikato en Ukrainio kiu kunigas gestudentojn de maldekstremaj opinioj. Ĝi estis fondita en 2008 laŭ iniciato de gestudentoj de Kijiva Nacia Universitato kaj leĝigita la 15-an de aprilo 2009. La sindikato havas branĉojn en kelkaj ĉefurbaj universitatoj, same kiel en pluraj regionaj centroj de Ukrainio.
| Rekta agado | ||
|---|---|---|
| ukraine Пряма дія | ||
| ||
| ||
| Protesto de "Rekta Agado" kontraŭ la komercigo de edukado. La surskribo sur la standardo, el la ukraina lingvo — "Edukado ne estas privilegio" Ĥmelnickijo, 2011 | ||
| organizaĵo | ||
| Komenco | 1994 (originala) 2008 (renovigita) | |
| Sidejo | Kijivo | |
| Tipo | sindikato (studenta) | |
| Celo | kontraŭkapitalismo kritika pedagogio senpaga edukado kontraŭfaŝismo feminismo rekta demokratio ekosocialismo | |
| Moto | Libereco. Egaleco. Solidareco. | |
| Retejo | Oficiala retejo | |
En la mez-1990-aj jaroj, studenta sindikato nomita "Rekta Agado" jam ekzistis en Kijivo. Dum sia ekzisto, la sindikato okazigis kelkajn sukcesajn agojn celantajn protekti la rajtojn de studentoj. Tiuj estis la unuaj provoj levi la maldekstran studentan movadon en Ukrainio. La sindikato ekzistis ĝis 1998.[1]
En 2008, kiam la studentoj decidis formi novan sendependan sindikaton, estis decidite preni la nomon "Rekta Agado" kiel signon de daŭrigado de la tradicioj de junulrezisto. Tiel, la modelo "Rekta Agado" de la 90-aj jaroj ricevis la konvencian nomon "unua generacio". Kelkaj aktivuloj de la unua generacio en la 2000-aj jaroj helpis la laboron de la sindikato.[2][3]
En 2016 okazis la lastaj eventoj de la sindikato kun la partopreno de ĝia "tria generacio", post kiuj ĝi efektive dissolviĝis, kvankam neniu el ĝiaj membroj anoncis la malfondon. La retejo de la sindikato ĉesis ekzisti, la paĝoj en sociaj retoj ne estis ĝisdatigitaj.
En 2023, dum la plenskala invado de Rusio en Ukrainion, kun la malboniĝo de la socia situacio de studentoj kaj la apero de novaj defioj al la supera eduka sistemo, aperis grupo de livaj gestudentoj kaj rekomencis la laboron de la sindikato. La ŝlosila tasko de la "kvara generacio" komence de 2023 estas la lukto por aliro transiri la ŝtatlimon de Ukrainio por homoj studantaj en eksterlandaj universitatoj.[4]
Referencoj redakti
- ↑ «Прямое действие» — это звучит предостерегающе. Студенческий профсоюз крайне левых настроен крайне агрессивно «Зеркало недели» № 8 (8) 26 ноября — 2 декабря 1994
- ↑ "Пряма дія": Це анархія з побіленими бордюрами, про яку ми мріємо
- ↑ Профспілка "Пряма дія". Arkivita el la originalo je 2022-06-27. Alirita 2023-03-13.
- ↑ 🚨 ПРЯМА ДІЯ: ЧОМУ СТУДЕНТСЬКА ПРОФСПІЛКА ЗАРАЗ АКТУАЛЬНА ЯК НІКОЛИ?