Ruĝbeka tukaneto
La Ruĝbeka tukaneto (Selenidera nattereri) estas mezgranda kaj kolora birdo el la familio de la Ramfastedoj kaj ordo de Pegoformaj de Sudameriko, kiu enhavas la tukanojn, tukanetojn, arasariojn, ktp. La scienca nomo omaĝas faman naturaliston Johann Natterer.
 | ||||||||||||||
|---|---|---|---|---|---|---|---|---|---|---|---|---|---|---|
 Ruĝbeka tukaneto
| ||||||||||||||
| Biologia klasado | ||||||||||||||
| ||||||||||||||
| Selenidera nattereri (Gould , 1836) | ||||||||||||||
| Konserva statuso | ||||||||||||||
 | ||||||||||||||
 "S. maculirostris" korespondas al la populacio nune agnoskata kiel S. gouldii, kun la "veraj" S. maculirostris (ne inkluditaj en tiu mapo) loĝanta en la Atlantika arbaro de orienta Sudameriko. Distribuo de la ses specioj de Selenidera je1969.
"S. maculirostris" korespondas al la populacio nune agnoskata kiel S. gouldii, kun la "veraj" S. maculirostris (ne inkluditaj en tiu mapo) loĝanta en la Atlantika arbaro de orienta Sudameriko. | ||||||||||||||
Aliaj Vikimediaj projektoj
| ||||||||||||||
Aspekto redakti
La popola nomo aludas al unu el la plej karakteraj ecoj de la specio, nome la tre ruĝa beko, kiu montras helan supran bordon kaj pinton kaj pli malhelajn makulojn en bazo de ambaŭ makzeloj, krom segilforma “dentaro”. Kiel ĉe aliaj membroj de la genro ambaŭ seksoj diferenciĝas laŭ seksa dimorfismo, nome la masklo estas multe pli nigra en krono, nuko, gorĝo, brusto kaj dorso, sed tiu laste menciita estas iom bruneca kaj malhelverdeca kun tre klare markita flava duonkolumo subnuke. Same estas malhelverdecaj flugiloj kaj vosto, tiu kun brunaj pintoj; ankaŭ estas brunaj la ventro kaj la femuroj. La iriso estas bruna kaj la nuda haŭtaĵo ĉirkaŭokula estas blua; sube la masklo montras tre flavan vizaĝon (“orelon”).
La ino montras similajn ruĝan anusan zonon, bekon kaj okulajn partojn, sed estas multe malpli malhela kaj kontrasta: la subaj partoj estas brunaj kaj la krono kaj dorso pli helaj kaj sen flavaj markoj. Temas pri specio 33 cm longa kaj el kiuj 6,5 cm estas de la beko.
Disvastiĝo redakti
La specio troviĝas en nordokcidenta Sudameriko, nome en norda Brazilo, Kolombio, Franca Gujano, Gujano kaj Venezuelo. Ties natura habitato estas subtropikaj aŭ tropikaj humidaj arbaroj de malaltaj teroj kaj ĝangaloj de sablaj grundoj ĝis 300 m de altitudo.
Fontoj redakti
- BirdLife International 2004. Selenidera nattereri[rompita ligilo]. 2006 IUCN Ruĝa Listo de Minacataj Specioj. 27a Julio 2007.
- En la franca pri la specio