Rubekola pronelo
La Rubekola pronelo (Prunella rubeculoides) estas malgranda paserina birdo de la familio de Proneledoj kaj ties ununura genro Prunella, kiu troviĝas en Butano, Ĉinio, Barato, Nepalo kaj Pakistano kaj pli precize laŭ regionoj en Himalajo (el Baltistano kaj Ladaĥo orienten al Butano) kaj en sudokcidenta kaj centra Ĉinio (suda kaj sudorienta Ksizango orienten al nordorienta Qinghai, norda Gansuo kaj okcidenta Siĉuano).
 | ||||||||||||||
|---|---|---|---|---|---|---|---|---|---|---|---|---|---|---|
_(37008725546).jpg) Rubekola pronelo
 | ||||||||||||||
| Biologia klasado | ||||||||||||||
| ||||||||||||||
| Prunella rubeculoides (Moore, 1854) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
Ŝajne ne estas proksima parenceco ene de la genro. Malmulta geografia variado; proponita rasoj muraria (priskribita el nordokcidenta Kaŝmiro), fusca (el centra Ksizango, en sudokcidenta Ĉinio) kaj beicki (el norda Gansuo, en nordacentra Ĉinio) montras malmultan diferencojn el populacioj de aliaj teritorioj. Kaj pro tio traktata ankaŭ kiel monotipa.
Ĝi havas, kiel la samgenra Pronelo, (kun bruna nuanco en orelareo) tre grizajn kapon kaj kolon, sed malkiel tiu, la Rubekola pronelo havas tre markatan kaj kontrastan brikruĝan bruston, kio iel similigas ĝin al la Ruĝgorĝulo aŭ Rubekolo kaj de tio devenas la nomo en Esperanto kaj en la latina scienca nomo rubeculoides. Tiu ruĝa areo kontrastas ankaŭ kun la tre blanka ventro kiu havas ankaŭ en flankoj brunajn makulecon kaj nuancon. La dorso estas bruna kun tre markata nigreca strieco. La flugiloj montras malfacile videblan supran blankan strion kaj pli videblan centran blankan strion; la flugilplumoj estas nigrecaj kun brunaj bordoj. La kruroj estas ruĝecaj. La beko nigreca, mallonga kaj pintakra, ĉar la specio estas ĉefe insektovora.
Referencoj
redakti- BirdLife International 2004. Prunella rubeculoides[rompita ligilo]. 2006 IUCN Ruĝa Listo de Minacataj Specioj. Konsultita la 27an de julio 2007.
