Salejo Ujuni

	Salar de Uyuni
	salebenaĵo
	Salebenaĵo Salar de Uyuni
	Oficiala nomo: Salar de Uyuni
Ŝtato	Bolivio
Departementoj	Potosiio, Oruro
Historia regiono	Ballivián lago
Parto de	Altiplano
Situo	Salar de Uyuni
- alteco	3 663 m s. m.
- koordinatoj	20° 08′ 01″ S 67° 29′ 20″ U / 20.13361 °S, 67.48889 °U (mapo)
Profundo	130 m
Areo	10 582,0 km² (1 058 200 ha)
	Situo enkadre de Bolivio Situo enkadre de Bolivio
	Vikimedia Komunejo: Salar de Uyuni

La salejo Ujuni (hispane salar de Uyuni aŭ de Tunupa) estas, pro siaj ĉirkaŭ 10 582 km²,^[1] la plej granda salebenaĵo de la mondo. Ĝi situas je ĉirkaŭ 3 650 m de alto super marnivelo en la Departamento de Potosí, en la Anda altebenaĵo de Bolivio, ĉe la Andoj.

Panorama vido de Salar.

Koordinatoj: 20° 08′ 01″ S 67° 29′ 20″ U / 20.13361 °S, 67.48889 °U (mapo)

Formado

La areo kiun nuntempe okupas tiu dezerto, estis kovrita antaŭ 40 000 jaroj de la Lago Ballivián. La Salar de Coipasa kaj ankaŭ la lagoj Poopó kaj Uru Uru estas restaĵoj de tiu granda pralago. La salejo Ujuni estas proksimume 25 fojon pli granda ol la Salejo de Bonneville en Usono.

Ekonomia graveco

La Salejo Ujuni enhavas ĉirkaŭ 10 mil milionojn de tunoj da salo, el kiuj 25 000 tunojn oni elfosas ĉiujare. La tuta ministaro apartenas al la kooperativo de Colchani. Ĉiu novembro, la Salejo Ujuni estas ankaŭ la reproduktejo de tri specioj de sudamerikaj flamengoj: nome la ĉilia, la punaa kaj la anda. Ankaŭ pro tio ĝi estas ankaŭ grava turismejo. Estas hotelo tute konstruita el salo kaj diversaj insuloj. Ĉar la tereno de la salejo estas tiom ebena, ĝi utilas kiel vojo tra la bolivia altebenaĵo.

Krome, Salar de Uyuni enhavas duonon de la tutmonda kvanto de litio, metalo uzata en altdensecaj baterioj (vidu Litia baterio). Ne estas nuntempa minejo kaj la bolivia registaro ne permesas ekspluatadon al eksterlandaj entreprenoj, sed anstataŭe ĝi klopodas konstrui sian propran eksperimentan minejon.^[2]