Segunda piel

Segunda piel (Dua haŭto) estas hispana filmo de 1999 reĝisorita de Gerardo Vera. La scenaron verkis la propra Vera kaj Ángeles González Sinde. La titolo Dua haŭto estas aludo al la duobla vivo de Alberto kaj al la profesio de Diego, kiel haŭtkuracisto. La filmo ricevis kelkajn premiojn.

Segunda piel
filmo
Originala titolo	Segunda piel
Originala lingvo	hispana lingvo
Kina aperdato	1999
Ĝenro	filma dramo, amafera filmo, samseksemeca filmo
Reĝisoro(j)	Gerardo Vera
Produktisto(j)	Andrés Vicente Gómez
Scenaro	Ángeles González-Sinde
Muziko de	Roque Baños
Rolantoj	Javier Bardem • Jordi Mollà • Ariadna Gil • Cecilia Roth • Pilar Castro • Mercedes Sampietro
Produktinta firmao	Antena 3
IMDb

Intrigo

La filmo rakontas la historion de Alberto (Jordi Mollá), edzo de Elena (Ariadna Gil). Ambaŭ kunulas el mezlernejo kaj havas filon, sed ilia rilato malbonas. Samtempe, Alberto sekvas amrilaton kun Diego (Javier Bardem), samseksema kuracisto pli malferma.

Elena malkovras, ke Alberto malfidas, sed dekomence ŝi ne scias, ke la malfido okazas kun viro, kion poste ŝi malkovros, kio okazigos al ŝi profundan deprimon kaj maltrankvilon. Alberto dubegas: li amas sian edzinon, sed ne kapablas kontroli siajn amsentojn por Diego, li vivas la stereotipan konflikton de edzo kun fortaj samseksemaj klinoj.

La tragedia fino enhavas kroman mesaĝon de amo kaj toleremo, kiam la perfidita edzino kaj la kuracisto interkonatiĝas.

Geaktoraro kaj roluloj

Aktoro	Rolulo
Javier Bardem	Diego
Jordi Mollà	Alberto
Ariadna Gil	Elena
Cecilia Roth	Eva
Mercedes Sampietro	Mª Elena
Javier Albalá	Rafael
Adrián Sac	Adrián
Cristina Espinosa	Ana Mari
Pilar Castro	Neus
Ramiro Alonso	Oriol
Silvia Espigado	Ingeniera
Carmen Grey	Enfermera
Ángela Rosal	Tomasa
Luis B. Santiago	Aitor
Christian Queipo	Luis
Iván Mateos	Iván
Lucrecia	Cantante

• En tiu ĉi artikolo estas uzita traduko de teksto el la artikolo Segunda piel en la hispana Vikipedio.