Seiichi Miyake
Seiichi Miyake (1926–1982) estis japana inventisto. Li estas konata pro la tiel nomata "palpebla pavimo" (ankaŭ "Tenji ŝtonoj") por ne aŭ ne bone vidantaj homoj piedirantaj sur publikaj vojoj. Oni povas palpi la signojn per bastono aŭ per la piedoj; ankaŭ hundoj por blinduloj intertempe komprenas la signojn[1]
| Seiichi Miyake | |
|---|---|
| |
| Persona informo | |
| Naskiĝo | 5-an de februaro 1926 en Kuraŝiki |
| Morto | 10-an de julio 1982 (56-jaraĝa) en Okayama University Hospital |
| Ŝtataneco | Japanio Japana Imperio (–1947) 
|
| Okupo | |
| Okupo | inventisto
|
| Verkoj | tactile paving |
La inventado de palpeblaj brikoj
redaktiEn 1965 Seiichi Miyake uzis sian monon por krei palpeblajn pavim-ŝtonojn. Ili ekzistas en du ĉefaj tipoj, unu kun elstarantaj duonglobetoj, la alia kun palpeblaj paralelaj strioj. La cirkloj indikas danĝeron kaj la strioj informas, ke oni povas sekure antaŭeniri.
Du jarojn poste, la 18an de marto 1967, en la urbo Okajama (okcidenta Japanio) oni la unuan fojon instalis tiun ĉi inventaĵon por vide handikapitaj homoj.[2]
Honorigo
redaktiLa 18an de marto, 2019, Google Doodle honoris lin per bildo kun flavaj pavimŝtonoj kun punktoj kaj strioj.[3]
Referencoj
redakti- ↑ Welt, 18-a de marto 2019; kontrolita tiutage
- ↑ cnet, "Google Doodle pays tribute to Japanese inventor Seiichi Miyake", 17-a de marto 2019; kontrolita la 18-an de marto 2019
- ↑ Google-Doodle
