Siberia turdo
La Siberia turdo, Geokichla sibirica (antaŭe Zoothera sibirica), estas birdospecio membro de la grupo de Aziaj turdoj, genro ene de la granda familio de Turdedoj.
 | ||||||||||||||
|---|---|---|---|---|---|---|---|---|---|---|---|---|---|---|
 Siberia turdo
_in_Vietnam.jpg) | ||||||||||||||
| Biologia klasado | ||||||||||||||
| ||||||||||||||
| Geokichla sibirica (Pallas, 1776) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
Ili reproduktiĝas en tajgo en Siberio. Ili estas tre migrantaj, kaj plej parto de birdoj moviĝas al sudorienta Azio dum vintro. Ĝi estas tre rara vaganto en okcidenta Eŭropo. Ili estas tre sekretemaj.
La Siberia turdo estas simila laŭ grando al la Kantoturdo. Ĝi estas ĉiomanĝanta, kaj nutras sin el ampleksa vario de insektoj, vermoj kaj beroj.
La masklo de la Siberia turdo estas malhelblugriza (preskaŭ nigreca, ardeznigra) supre kaj sube, kun tre rimarkinda kaj larĝa blanka strio superokula. Estas bruneca nuanco en flugiloj kaj foje en flankoj. Malsupra ventro kaj flankoj estas blankecaj. La ino estas multe pli bruna, pli malhela supre kaj kun blanka punktado en brusto, sed kiel la masklo kun strio superokula sed nur sablokolora kaj multe malpli larĝa kaj malpli rimarkinda.
Videbla identigilo de ambaŭ seksoj dumfluge estas la nigra strio en la blankaj subflugiloj, karaktero kiun havas ankaŭ la Daŭma turdo.