Skorpio

Ĉi tiu artikolo temas pri besto. Por informoj pri la samnoma konstelacio, vidu la artikolon Skorpio (konstelacio).

Skorpio estas artropodo kun ok kruroj, parto de la ordo Scorpiones en la klaso Arachnida. Ili distingiĝas el aliaj araneoidoj per siaj antaŭaj fortegaj kruroj similaj al pinĉiloj kaj per venenaj pikiloj, kiujn ili havas sur la abdomena ekstremaĵo.

Kiel legi la taksonomion Skorpio
Biologia klasado
Regno: Bestoj Animalia Filumo: Artropodoj Arthropoda Subfilumo: Chelicerata Klaso: Araneoidoj Arachnida Subklaso: Dromopoda Ordo: Skorpioj Scorpiones C. L. Koch, 1837
Superfamilioj
Pseudochactoidea Buthoidea Chaeriloidea Chactoidea Iuroidea Scorpionoidea
Aliaj Vikimediaj projektoj

Ekzistas proksime 2000 specioj da skorpioj. Ili estas vaste distribuitaj sude de 49° N krom Nov-Zelando kaj Antarkto.

Deveno

Laŭ entomologiaj esploroj skorpioj ekzistas antaŭ pli ol 400 milionoj da jaroj. Skorpioj estis la unuaj artropodoj, kiuj sukcesis adaptiĝi ekster la akvo. Por tiu transiro la ekstera skeleto el ĥitino funkciis kiel ŝirmilo kontraŭ la mortiga sekeco de la korpo, kiam tiu insekto ekrampis sur la sekan terenon.