Sobkovice

Municipo Sobkovice situas en Ĉeĥio, regiono Pardubice, distrikto Ústí nad Orlicí, en submontaro de Králický Sněžník, 4 km norde de urbo Jablonné nad Orlicí kaj 8 km nordoriente de urbo Letohrad. El supra parto de la vilaĝo videblas monto Czarna Góra en montaro Králický Sněžník en Pollando. Vivas ĉi tie 251 loĝantoj (2024).

Sobkovice
municipo
Preĝejo de sankta Prokopio
Flago Blazono
Oficiala nomo: Sobkovice
Ŝtato	Ĉeĥio
Regiono	Regiono Pardubice
Distrikto	Distrikto Ústí nad Orlicí
Administra municipo	Jablonné nad Orlicí
Historia regiono	Bohemio
Montaro	Orlica montaro
Rivero	Tichá Orlice
Situo	Sobkovice
- alteco	558 m s. m.
- koordinatoj	50° 02′ 58″ N 16° 35′ 29″ O (mapo)
Katastro	3,65 km² (365 ha) Sobkovice
Loĝantaro	251 (2024)
Denseco	68,77 loĝ./km²
Unua skribmencio	1543
Horzono	MET (UTC+1)
- somera tempo	MET (UTC+2)
Poŝtkodo	561 64
NUTS 3	CZ053
NUTS 4	CZ0534
NUTS 5	CZ0534 547964
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Sobkovice
Retpaĝo: www.sobkovice.info.cz
Portalo pri Ĉeĥio

La najbaraj municipoj de la setlejo estas Mistrovice, Jamné nad Orlicí, Jablonné nad Orlicí, Studené, Těchonín kaj Nekoř.

Historio

Kiam Sobkovice ekestis oni ne povas precize konstati. Certe tio estis longe antaŭ la jaro 1543, de kiu devenas la unua skriba mencio pri ĝi. Regiono en la ĉirkaŭaĵo estis origine slava. Atestas pri tio originaj nomoj de vilaĝoj Těchonín, Celné, Mladkov, Králíky, Orličky, Čenkovice kaj ceteraj, kiuj pli poste estis germanigitaj kaj ĝis la jaroj 1945 - 1946 prisetlitaj de germanoj. Ĉeĥaj vilaĝoj kun finaĵo -ice estis laŭ historiistoj fondataj en la 6-a ĝis 10-a jarcentoj. Nomo de Sobkovice estis verŝajne derivita de persona nomo Sobek. Ke tia persona nomo ekzistis jam delonge, atestas noto ĉe kanonikaro de Vyšehrad, kie jam ĉirkaŭ la jaro 1088 aktivis Munisterialis ecce Sobek (malalta eklezia funkciulo).

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	558
1880	618
1890	563
1900	522
1910	542
1921	538

Jaro	Loĝantoj
1930	477
1950	349
1961	338
1970	299
1980	264
1991	246

Jaro	Loĝantoj
2001	232
2011	250
2014	263
2016	250
2017	245
2018	240

Jaro	Loĝantoj
2019	233
2020	239
2021	226
2022	237
2023	240
2024	251

Memorindaĵoj

Preĝejo

Malfrubaroka preĝejo de Sankta Prokopio estis konstruita en la jaro 1774 sur loko de pli malnova kapelo. Ĝi estas ununava kun oblonga trilatere fermita predikejo kaj kun turo en okcidenta fronto. La presbiterejo estas volbita barele kun segmentoj, la navo estas platplafona.

La ekipaĵo estas ankaŭ malfrubaroka. La ĉefaltaro estas kadra el la jaro 1776, lignoskulptaĵoj estas de skulptisto el Žamberk, predikejo kaj konfesejo de skulptisto el Králíky en la jaro 1780, benkoj de lignaĵisto el Šedivec en la jaro 1776. Sur la dekstra altaro estas bela bildeto de Nekredanta Tomaso.

Turismo

Tra Sobkovice kondukas flava turisma pado () inter Jablonné nad Orlicí kaj valbaraĵo Pastviny. En la vilaĝo estas eblecoj por loĝado en privataj domoj. Eblas viziti naturan banejon, bicikli per terenaj bicikloj, kolekti fungojn, fiŝkaptadi, vintre uzi skiistan trenlifton kun prilumata skidescendejo kaj skikuri.

Literaturo

• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Pluaj fotoj

• 
  Domo n-ro 45
• 
  Kruco ĉe la preĝejo
• 
  Tombejo