Protektaj Taĉmentoj de la Popolo
La Protektaj Taĉmentoj de la Popolo (nordkurde Yekîneyên Parastina Gel (YPG)) estas ĉefe kurda milico aktive en norda Sirio.
| Protektaj Taĉmentoj de la Popolo | |
|---|---|
| Yekîneyên Parastina Gel وحدات حماية الشعب ܚܕܝ̈ܘܬܐ ܕܣܘܬܪܐ ܕܥܡܐ | |
|
| |
| Jaroj | 2011 – nun |
| Lando | Memstara Administracio de Norda kaj Orienta Sirio |
| Parto de | Siriaj Demokrataj Militfortoj |
| Tipo | Milico |
| Grandeco | 15 000–25 000 (2017) |
| Lokiĝo | Roĵavo |
| Devizo | YPG dimeşe, erd û ezman diheje (YPG marŝas kaj la tero kaj ĉielo tremas) |
| Koloroj | Flava, ruĝa, verda |
| Bataloj | Siria Enlanda Milito (2012 – nun) Iraka Enlanda Milito (2014 – 2015) |
| Komandestro | Sîpan Hemo |
YPG estas parto de la Siriaj Demokratiaj Fortoj (HSD), la oficiala militforto de la Memstara Administracio de Norda kaj Orienta Sirio (MANOS). Ĝia virina ekvivalento estas la Protektaj Taĉmentoj de la Virinoj (nordkurde Yekîneyên Parastina Jin (YPJ)). Tamen YPG estas ĉefe asociita kun kurdoj, ĝi enhavas homojn el diversaj etnaj grupoj en MANOS (kurdoj, araboj, asirianoj, turkmenoj kaj tiel plu) kaj eksterlandaj volontuloj.
Historio redakti
YPG komencis kiel eta milica flanko de la Partio de la Demokrata Unio en 2004. Ekde la Siria Enlanda Milito en 2011, la partio rapide kreskis kaj fariĝis pli granda ol aliaj milicoj en la regiono. Ĝi batalas kune kun la Protektaj Taĉmentoj de la Virinoj (YPJ), en la komenco ĉefe kontraŭ la Islama Ŝtato de Irako kaj Levantenio (IŜIL).
Ekde 2015 YPG estas parto de HSD, la oficiala militforto de MANOS.
Dum Operacio Oliva Branĉo en 2018, kiu estis turka atako kontraŭ la Efrîn-a Kantono, YPG batalis kontraŭ tiu turka invado.
Ideologio redakti
Estante parto de MANOS, YPG batalas ideologie por liberecisma socialismo laŭ la ideoj de Abdullah Öcalan, interalie demokratia konfederaciismo. Tiu skolo estas ideologie similaj al la liberecana municipismo de Murray Bookchin.
Vidu ankaŭ redakti
Literaturo redakti
- Mireille Court kaj Chris den Hond, "Utopio meze de la Siria kaoso" en: Le Monde diplomatique (1-a septembro 2017).
- Joaquín Martínez kaj Nikolas Xil Carvalho (trad.), "Roĵavo: lukto kun liberecana substrato" (2015).