Sudafrika gipo

La sudafrika gipo (Gyps coprotheres), konata ankaŭ kiel Kablanda vulturo, estas granda taga rabobirdo de la familio de Akcipitredoj, kiu enhavas ankaŭ aliajn tagajn rabobirdojn kiel milvoj, agloj, cirkuoj kaj akcipitroj, el kiuj gipoj estas sufiĉe malsimilaj, sed ne tiom disde aliaj similaj rabobirdoj, nome malnovmondaj vulturoj.

Kiel legi la taksonomion Sudafrika gipo
Sudafrika gipo, ĉe Aligatorfarmo St Augustine, St. Augustine, Florido, Usono
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Akcipitroformaj Accipitriformes Familio: Akcipitredoj Accipitridae Genro: Gyps Specio: G. coprotheres
Dunomo
Gyps coprotheres (Forster, 1798)
Konserva statuso
Konserva statuso: Vundebla
Aliaj Vikimediaj projektoj

Ĝi estas endemia de suda Afriko, kaj troviĝas ĉefe en Sudafriko, Lesoto, Bocvano kaj en kelkaj partoj de norda Namibio.

Aspekto

Dorso

Ovo de Gyps coprotheres

Tiu vulturo estas malhelbruna escepte pro palaj flugilkovriloj. Plenkreskulo estas pli pala ol junulo, kaj ties subflugilaj kovriloj povas ŝajni preskaŭ blankaj je distanco. La averaĝa longo estas ĉirkaŭ 96 – 115 cm kun enverguro de 2.26 – 2.6 m kaj korpopezo de 7 – 11 kg.

Ili estas averaĝe la plej granda rabobirdoj de Afriko, kvankam ili estas subuloj al la povega Orelvulturo.

La du elstaraj nudaj haŭtaĵoj baze de la kolo troviĝas ankaŭ ĉe la Afrika vulturo, kaj oni supozas, ke temas pri temperaturaj sentiloj kaj uzataj por detekti la eston de termikoj necesaj por ekflugo.

Kutimoj

Ili nestumas en klifoj kaj la ino demetas unu ovon jare.

Tiu specio estis listata fare de la IUCN kiel "Vundebla", kies ĉefaj problemoj estas venenado, ĝenado ĉe la reproduktaj kolonioj kaj kolizio kun elektraj linioj. La nuna populacio estas ĉirkaŭkalkulata je 8,000.

Referencoj

Fontoj

• Sinclair, Ian. (2002) SASOL Birds of Southern Africa. Capetown: Struik. ISBN 1-86872-721-1.

Eksteraj ligiloj

• BirdLife Species Factsheet. Arkivigite je 2009-01-03 per la retarkivo Wayback Machine
• Sudafrika gipo