Tegeler See
Tegeler See estas la dua plej granda el la berlinaj lagoj. Ĝi situas en la urbodistrikto Reinickendorf de la germania urbego Berlino (konkrete en ties kvartalo Tegel), en la nordokcidento de la urba teritorio. Temas pri pli ol 4 kilometrojn longa golfo de la rivero Havel, en kiu situas sep insuloj. Jure la lago apartenas al la akvovojo Havel-Oder-Wasserstraße (HOW). La laga surfaco kovras areon de 4,539 kvadrataj kilometroj - 4,041 km² se oni ne kalkulas la insulojn. La maksimuma longo de la lago estas 4,2 kilometrojn kaj la maksimuma larĝo 1,6 kilometrojn.
| Tegeler See | ||
|---|---|---|
| ||
| lago | ||
| Situo | urbodistrikto Reinickendorf de Berlino | |
| Ĉefaj fontoj | Spree | |
| Ĉefaj elfluoj | Spree | |
| Areo de la baseno | 151 km² | |
| Landoj de la baseno | Germanio | |
| Datenoj | ||
| Koordinatoj | 52° 34′ 34″ N, 13° 15′ 12″ O (mapo)52.57611111111113.25333333333331.4Koordinatoj: 52° 34′ 34″ N, 13° 15′ 12″ O (mapo) | |
| ||
 Tegeler See | ||
| Supermara alteco | 31,4 m | |
| Surfaca areo | 4,539 km² 4,041 km² sen insuloj | |
| Maksimuma longo | 4,3 km | |
| Maksimuma larĝo | 1,6 km | |
| Akva volumeno | 26 123 376 m³ | |
| Maksimuma profundo | 15,93 m | |
| Averaĝa profundo | 6,60 m | |
| Borda longo1 | 15,188 km | |
| 1 Borda longo estas malpreciza mezuro. | ||
Kvankam nur malgranda parto de la lagobordo taŭgas je komforta en- kaj eliro de la lago por banado, la lago de pli ol averaĝa akvopureco bone taŭgas por banado. Krom naĝantoj, precipe hobiaj akvosportantoj, velantoj kaj bretaj velantoj, frekventas ĝin.
Parto de la lago estas la insulo Scharfenberg, sur kiu situas la internuleja gimnazio Schulfarm Insel Scharfenberg, kiu historie konsideratas unu el la modelaj ekzempleroj de progresema eduko.
