Universitato Aoyama Gakuin

universitato en Tokio, Japanio

Universitato Aoyama GakuinUniversitato Aojama Gakuin, japane 青山 学院 大学, latinliterigite Aoyama Gakuin Daigaku, estas privata universitato en la kvartalo Ŝibuja de Tokio en Japanio. Origine establita en 1874 fare de misiistoj de la usona Metodisma Episkopa Eklezio, ĝi estis reorganizita en sia nuna formo en 1949. La universitato Aoyama Gakuin festis sian 140-jaran datrevenon en 2014 kaj estas unu el la plej malnovaj altlernejoj de Japanio.

prelegejo Berry en la kampuso Aojama

La universtato establis nacian reputacion pri kvalito kaj edukado kaj pri sia internacia etoso - ĝi estas vaste rekonita kiel unu el la plej gravaj privataj universitatoj en Japanio.

Ĝi laŭ memprezento celas eduki studentojn kun forta sento de socia respondeco kaj moraleco por kontribui al socio kaj hodiaŭa mondo konforme al sia eduka politiko bazita sur la kristana fido.

La studentaj kaj diplomitaj programoj de la universitato inkludas kursojn pri literaturo, juro, ekonomiko, komerco, internacia politiko, ekonomiko, komunikado, scienco, inĝenierado kaj kulturaj studoj. La universitato havas specialajn programojn en la kampoj de internacia administrado, juro kaj profesia kontado.

Vidu ankaŭRedakti

Eksteraj ligilojRedakti