Atena duklando

La Atena duklando estis ŝtato instituita en 1205 en la grekaj regionoj Atiko, Beocio, Lokrido kaj Megarido post la konkero de la Bizanca Imperio fare de Frankoj dum la kvara krucmilito.

La Akropolo de Ateno, kie estis la sidejo de la duka palaco.

Post la dekadenco de la klasika epoko, en la Mezepoko, la urbo Ateno suferis gravan procezon de ruiniĝo; fakte ne helpis ekde la 11-a jarcento ties geografia loko tro for de la latina influo kaj ankaŭ ne interesa teritorio por la Bizanca Imperio. Tial okazis rabado, ĉefe meze de la 12-a jarcento fare de la normanoj.

Blazono de la duklando dum la regado de la familio de la Roche.

Tiel, Bonifacio de Montferrato okupis la urbon senprobleme en 1204 kaj donis ĝin kun Tebo al Othon de La Roche, senjoro de Ray, duaranga nobelo burgonja devena de la Franĉkonteo kaj de la kvara krucmilito, en 1205. Otono estis nomumita Granda Senjoro de Ateno kaj Tebo, pro kio por kelkaj historiistoj tiu estus la konstituo de la Duklando, dum por aliaj la feŭdo estis konstituita formale en 1260, kiam lia filo kaj sukcedantor Gvido la 1-a akiris la titolon de duko, kaj la duklando estis agnoskita oficiale.

Ateno estis dekomence ŝtato vasala de la Tesalonika reĝlando sed post la konkero de tiu fare de la bizanca Teodoro Komneno Dukas, Epira despoto, la duklando ekestis vasalo de la Princlando Aĥeo nome Morea.

Blazono de la duklando dum la regado de la familio Brienne.

Dum la regado de la familio De la Roche kaj la urbo kaj la duklando ĝuis grandan prosperon, dum la urbo mem estis plinovigita kaj konvertita en kortega centro unuaranga, en kiu la Akropolo estis duka palaco. Tiu ŝtato estis la plej potenca kaj pacema el la latinaj ŝtatoj kreitaj en Grekio kaj ties institucioj estis tute francaj.

BibliografioRedakti

  • VV.AA. Historia del mundo en la Edad Moderna. Tomo I. El Renacimiento. Ed. Ramón Sopena. Barcelona. 1935
  • VV.AA. Crónica de la Humanidad. Ed. Plaza & Janes. Barcelona. 1984
  • Girard Jean. La Roche et l'Épopée Contoise de Grèce. L'Atelier du grand Tétras. Besançon (1998) ISBN 2-911648-02-1.
  • Setton, Kenneth M. (1975). Catalan Domination of Athens 1311–1380. London: Variorum.
 
Blazono de la duklando dum la regado de la Krono de Aragono.
 
Blazono de la duklando dum la regado de la familio Acciaiuoli.