Béla Bartha (juristo)

Béla Bartha [barta], laŭ hungarlingve kutima nomordo Bartha Béla estis hungara juristo, profesoro. Lia nobela antaŭnomo estis deési [dEŝi].

Béla Bartha [1] naskiĝis la 27-an de oktobro 1861 en Fülesd, li mortis la 26-an de januaro 1914 en Tiszafüred.

Biografio

Béla Bartha frekventis luteranan gimnazion en Igló, poste li studis juron en kalvinana akademio en Sárospatak inter 1879–1882 fine li akiris po unu diplomojn en Reĝa Universitato de Budapeŝto en 1887 kaj 1889. Intertempe li estis ankaŭ familia edukisto en riĉaj familioj. Inter 1883–1887 li estis ankaŭ kandidato pri advokato en Budapeŝto. Li instruis en

• luterana jura akademio en Eperjes (1887–1891)
• kalvinana akademio en Sárospatak (1891–1895)
• kalvinana jura akademio en Debrecen (1895–1905)
• Mina Altlernejo de Selmecbánya (1905-1910)

Li estis ankaŭ eklezia (kalvinana) subnotario inter 1902–1905. En 1910 li pensiuliĝis.

Elektitaj kontribuoj

• Statisztikai tanulmányok a magyar protestantizmusról (Statistikaj studoj pri la hungara protestantismo), (1890)
• Laveley Emil egyházpolitikai tanulmányai. I–II. (1893) - tradukaĵo
• A magyar államgazdaságtan tan- és kézikönyve. I–II. (1900–1901) - manlibro
• A magyar bányászati közigazgatás tankönyve (1907)
• A magyar közigazgatási és belügyi közigazgatási jog tankönyve (1908) - studenta lernolibro

Fontoj

• hungarlingva biografio (la koncerna teksto estas legebla en la 24-a paĝo)
• hungarlingva biografio
• hungarlingva biografio