Baldakeno de Sankta Petro
La 'Baldakeno de Sankta Petro' (en itala: Baldacchino di San Pietro) estas verko de la itala Gian Lorenzo Bernini. Temas pri monumenta ciborio aŭ baldakeno, en kvar kolonoj pintigita per tegmenteto, forĝita en masiva bronzo nigra kaj surorumita, de baroka stilo, kiu situas en la centro de la navokruco de la Baziliko Sankta Petro de Vatikanurbo, ĝuste sub la kupolo. Fakte baldakeno estas templeto subtenita per kolonoj kiu kutime situis kovrante la ĉefaltaron en la preĝejoj de la mezepoko. La kolosa elemento dezajnita kaj plenumita de Bernini, kombinas skulptajn kaj arkitekturajn elementojn kaj estas hejmo sub sia doselo de la ĉefaltaro de la baziliko, kiu siavice situas super la kripto kie laŭ tradicio estas la tombo de la apostolo Sankta Petro.
| Baldakeno de Sankta Petro | |||
|---|---|---|---|
 | |||
| skulptaĵo • baldakeno | |||
| Estiĝo | 1620-aj jaroj | ||
| Lando | Vatikano vd | ||
| Situo | |||
| Geografia situo | 41° 54′ 8″ N, 12° 27′ 12″ O (mapo)41.902212.4533Koordinatoj: 41° 54′ 8″ N, 12° 27′ 12″ O (mapo) | ||
| |||
 Baldakeno de Sankta Petro | |||
La bronzo uzita en la konstruado de la baldakeno estis elprenita el la kasonaro de la kupolo de la Panteono de Agripo de Romo, kio okazigis la frazon: «Quod non fecerunt barbari, fecerunt Barberini», latina esprimo kiu signifas: «Tion, kion ne faris la barbaroj, faris la Barberini-oj», reference al Urbano la 8-a, sub kies papotempo ĝi estis finkonstruita. Formita de kvar salomonaj kolonoj kun volutoj, prezentas dekoracion kun ŝajnigitaj vegetaĵoj, anĝeloj kaj tolaĵoj; ĉie aperas la abeloj, heraldika simbolo de la familio Barberini al kies familio apartenis la papo.