Malfermi la ĉefan menuon

Pri la komunumoRedakti

Boltigen estis komunumo en Kantono Berno, Svislando. Ĝis la 31-a de decembro 2009 ĝi apartenis al la malnova distrikto Suba Simme-Valo, kaj ek de la 1-a de januaro 2010 ĝi estas parto de la nova administra distrikto Supra Simme-Valo-Saanen. Ĝi havis 1404 loĝantojn je la 31-a de decembro 2008, kiu nombro iomete malkreskis al 1381 ĝis la 31-a de decembro 2009.

GeografioRedakti

Boltigen situas ĉe la bordo de la rivero Simme kaj estas la plej malsupra komunumo de la Supra Simme-Valo. La komunumo konsistas el ok municipoj nomitaj en la alemana lingvo Bäuerten kun aŭtonoma administracio, nome: Simmenegg, Adlemsried, Schwarzenmatt, Boltigen, Reidenbach, Eschi, Weissenbach kaj Oberbäuert.

Najbaraj komunumojRedakti

La komunumo Boltigen limas en nordo al Plaffeien (Kantono Friburgo), en sudoriento al Oberwil en Simme-Valo, en oriento al Diemtigen, en sudo al Zweisimmen, en sudokcidento al Saanen, kaj en okcidento al Jaun (Kantono Friburgo).

TrafikoRedakti

Boltigen situas ĉe la trajnlinio de la kompanio Berno-Lötschberg-Sempiono-Fervojo de Spiez al Zweisimmen kaj disponas pri stacidomoj en Boltigen kaj Weissenbach.

La komunumo situas ĉe la kantona ĉefvojo de Spiez al Zweisimmen, kaj estas elirpunkto de la pasejvojo trans la Jaun-Pasejo al Bulle en Kantono Friburgo.

HistorioRedakti

La unua dokumenta mencio de Boltigen datiĝas el la jaro 1276 kiel Boltingen.

Ŝpuroj en la kaverno Ranggiloch indikas, ke en Boltigen setlis homoj jam en la frua ŝtonepoko. El mezepoko postrestis la kastelruinoj Simmenegg, Eichstalden kaj Laubegg.[1]

Notoj kaj referencojRedakti

Eksteraj ligilojRedakti