Brunkapa agelajo

La Brunkapa agelajo (Chrysomus ruficapillus) estas specio de birdo de la familio de Ikteredoj kaj genro de Agelajoj kiu enhavas nigrecajn speciojn kiuj havas kolorajn markojn en kapo aŭ ŝultroj. Fakte tiu specio ege malsimilas de aliaj samgenranoj, ĉar ne estas ŝultraj markoj sed en krono kaj gorĝareo.

Kiel legi la taksonomion Brunkapa agelajo
Brunkapa agelajo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Ikteredoj Icteridae Genro: Agelaius Specio: 'A. ruficapillus'
Dunomo
Agelaius ruficapillus (Vieillot, 1819)
Konserva statuso
Konserva statuso: Malplej zorgiga
Aliaj Vikimediaj projektoj

Teritorio

Ĝi troviĝas en orienta Sudameriko el norda Argentino, Paragvajo, Urugvajo kaj orienta Bolivio, tra okcidenta Brazilo al Franca Gujano. Ties natura habitato estas marĉoj de malaltaj teroj, kareksejoj kaj paŝtejoj kaj ofte ĉe rizkampoj.

Aspekto

La masklo estas malprobable konfuzebla kun aliaj nigraj birdoj pro ties brunaj krono kaj gorĝareo (inklude supran bruston), kvankam tiuj povas esti malfacile videbla antaŭ malbona lumo. La norda subspecio A. r. frontalis havas pli brilbrunajn markojn ol la pli suda nomiga subspecio ĉefe en krono. La ino estas olivecbruna (iom pli malhela ĉe flugiloj kaj vosto) kaj povus esti konfuzata kun ino de Brila molotro, Molothrus bonariensis, escepte pro sia flaveca gorĝo.

Referencoj

• BirdLife International 2004. Chrysomus ruficapillus. 2006 IUCN Ruĝa Listo de Minacataj Specioj. Konsultita la 25an de julio 2007.