Louis Jean Pierre Vieillot
Louis Jean Pierre VIEILLOT (naskiĝis la 10-an de marto 1748 en Yvetot, mortis en 1831) estis franca ornitologo.
| Louis Jean Pierre Vieillot | ||
|---|---|---|
| ||
| Persona informo | ||
| Naskiĝo | 10-an de majo 1748 en Yvetot | |
| Morto | 24-an de aŭgusto 1830 (82-jara) en Sotteville-lès-Rouen | |
| Lingvoj | franca [#] | |
| Loĝloko | Francio [#] | |
| Ŝtataneco | Francio [#] | |
| Familio | ||
| Parencoj | Rodolphe Vieillot [#] | |
| Profesio | ||
| Okupo | biologo • ornitologo • natursciencisto • zoologo [#] | |
| [#] | Fonto: Vikidatumoj | |
Vieillot priskribis grandan nombron de birdoj unuafoje, ĉefe tiujn kiujn li trafis dum la tempo kiun li pasigis en Karibio kaj Nordameriko, kaj 26 genroj de li starigitaj ankoraŭ uzeblas. Li estis unu el la unuaj ornitologoj kiuj studis ŝanĝojn en plumaro, kaj ankaŭ unu el la unuaj kiuj studis vivantajn birdojn kaj ne nur ties haŭtaĵojn.
Li estis negocisto en la kariba insulo de Sankta Domingo (Haitio), sed li devis forfuĝi al Usono dum la Franca Revolucio kiu krome koincidis kun la sendependiĝo de Haitio. Dum tiu tempo li ekstudis la birdojn de tiu lando, kaj kolektis materialon por sia Histoire naturelle des oiseaux de l'Amérique Septentrionale (1808).
Li revenis al Francio en 1800 (aŭ 1801), kie li atingis postenon de verkisto ĉe la Bulletin des Lois (Leĝogazeto). Li pluverkis pri birdoj, kaj produktis Histoire naturelle et générale des colibris, oiseaux-mouches, jacamars et promerops (1802) kun bildoj de sia amiko Jean Baptiste Audebert, sekvata de Histoire naturelle des plus beaux oiseaux chanteurs de la zone torride (1806).
En Analyse d'une nouvelle Ornithologie Elémentaire (1816) Vieillot starigis sian sistemon de ornitologia klasigo, kiun li sekvis en sia kontribuo al la Nouveau Dictionaire d'Histoire Naturelle (1816-19). En 1820 Vieillot entreprenis la sekvon de la Tableau encyclopédique et méthodique, komencita de Pierre Joseph Bonnaterre en 1790. Li pluverkis Ornithologie Française (1823-30).
Oni supozas, ke li mortis malriĉe en Rouen.
Birdoj nomataj laŭ liRedakti
Vieillot estas rememorata en dunomaj nomoj de nombroj de birdoj, kiaj
- Lybius vieilloti (Vieijota barbulo)
- Saurothera vieilloti (la Puerto-Rika lacertokukolo).
Birdoj priskribitaj de liRedakti
- Verda fazano, Phasianus versicolor, 1817.
- Helikomilvo, Rostrhamus sociabilis, 1817.
VerkojRedakti
- Histoire naturelle des plus beaux oiseaux chanteurs de la zone torride. Dufour, Paris 1805.
- Histoire naturelle des oiseaux de l'Amérique septentrionale. Desray, Paris 1807-1808.
- Analyse d'une nouvelle ornithologie élémentaire. d'Éterville, Paris 1816.
- Mémoire pour servir à l'histoire des oiseaux d'Europe. Turin 1816.
- Ornithologie. Lanoe, Paris 1818.
- Faune française ou Histoire naturelle, générale et particulière des animaux qui se trouvent en France. Le Vrault & Rapet, Paris, Strasbourg, Bruxelles, 1820-1830.
- La galerie des oiseaux du cabinet d'histoire naturelle du jardin du roi. Aillard & Constant-Chantpie, Paris 1822-1825.
- Ornithologie française ou Histoire naturelle, générale et particulière des oiseaux de France. Pelicier, Paris 1830.
ReferencojRedakti
- Louis Jean Pierre Vieillot (1748 - 1831) de Paul H. Oehser Arkivigite je 2012-07-16 per la retarkivo Wayback Machine
Eksteraj ligilojRedakti
- Gallica Ĉiuj bildoj el La galerie des oiseaux