Celorico de Basto

Celorico de Basto estas portugala urbo en la subregiono Tâmega e Sousa, apartenanta al la Norda regiono en la sudoriento de la Distrikto Braga, kun ĉirkaŭ 3 431 loĝantoj.

Celorico de Basto
urbo de Portugalo (1520 (Gregoria)–) municipo de Portugalio vd
Flago	Blazono
Administrado
Ĝemelurboj Houilles vd
Poŝtkodo	4890
En TTT	Oficiala retejo [+]
Demografio
Loĝantaro	20 098  (2011) [+]
Loĝdenso	111 loĝ./km²
Geografio
Geografia situo	41° 23′ N, 8° 0′ U (mapo)41.386888888889-8.0021666666667 [+]
Areo	181,07 km² (18 107 ha) [+]
Celorico de Basto (Portugalio) DEC Situo de Celorico de Basto
Alia projekto
Vikimedia Komunejo Celorico de Basto [+]

Ĝi estas sidejo de la municipo Celorico de Basto kun 181,07 km² kaj 17 643 loĝantoj (2021), subdividita en 15 fregezioj. La municipo limas norde kun Cabeceiras de Basto, oriente kun Mondim de Basto, sude kun Amarante, sudokcidente kun Felgueiras kaj okcidente kun Fafe. Ĝi enhavas la urbetojn Celorico de Basto (sidejo de la municipo), Fermil de Basto, Mota kaj Gandarela de Basto. La punkto plej alta de la municipo estas en Viso, je 851 metroj de altitudo.

Historio

Kastelo de Arnoia.

Arkeologiaj restaĵoj pri la origino de la loĝado de tiu tero kondukas al megalitoj de Neolitiko (mamoas de Planalto da Lameira), al Bronzepoko kaj al Ferepoko (Bouça de Mosqueiros, en Britelo, Kastrumo de Ladário, en Ribas, Kastrumo de Barrega, en Borba kaj Kastrumo de Ourilhe, inter aliaj). Ankaŭ la Romia Imperio lasis restaĵojn.

Celorico de Basto komponas la areon Terras de Basto, kun Mondim de Basto, Cabeceiras de Basto kaj Ribeira de Pena.

Laŭlonge de la 20-a jarcento la loĝantaro malrapide kreskis el 20 000 en la jarcentkomenco ĝis atingi pinton de pli ol 24 000 en 1950, sed poste malpliiĝis ĝis nunaj 17 000, pro elmigrado.

Fregezioj

La municipo Celorico de Basto havas la jenajn fregeziojn:

• Agilde
• Arnoia
• Borba de Montanha
• Britelo, Gémeos e Ourilhe (Celorico de Basto)
• Caçarilhe e Infesta
• Canedo de Basto e Corgo
• Carvalho e Basto (Santa Tecla)
• Codeçoso
• Fervença
• Moreira do Castelo
• Rego
• Ribas
• São Clemente de Basto
• Vale de Bouro
• Veade, Gagos e Molares

Vidindaĵoj

• Kastelo de Arnoia, nura kastelo de la Romanika Vojo, en la municipo;
• Monaĥejo de São Bento de Arnoia, de benediktanoj (en la tabelfoto);
• Natura vojo Ecopista do Tâmega;
• Romanikaj preĝejoj de Salvador de Fervença, de Salvador de Ribas, kaj de Santa Maria de Veade;
• Steleo de Vila Boa;
• Municipa Biblioteko Professor Doutor Marcelo Rebelo de Sousa (Municipa Biblioteko de Celorico de Basto);
• Ludparko de Freixieiro.

Bildoj

• 
  Blazondomo ĉe Veade.
• 
  Pilorio de la Kastelo de Arnoia.
• 
  Preĝejo de Codeçoso.
• 
  Stacidomo de Codeçoso.
• 
  Blazondomo ĉe Veade, Gagos e Molares.

• En tiu ĉi artikolo estas uzita traduko de teksto el la artikolo Celorico de Basto en la portugala Vikipedio.