Coração de Jesus
Coração de Jesus (nomo kiu signifas Koro de Jesuo, oficiale portugale Município de Coração de Jesus) estas urbo kaj municipo en la subŝtato Minas-Ĝerajso de Brazilo. Ĝi situas en la sudorienta regiono de Brazilo, en la mezoregiono Norte de Minas (do "Nordo de Minas-Ĝerajso") kaj en la mikroregiono Montes Claros. Laŭ la stato de 2022 en la municipo vivis 25 377 loĝantoj sur areo de 2 236,24 kvadrataj kilometroj, kio rezultigas loĝdenson de 11 loĝantoj/km². El tiuj, la nombro de voĉdonrajtuloj en la municipo en marto 2022 estis 21 013. La teritorio havas komunan limon kun Mirabela, São João da Lagoa, Brasília de Minas, Campo Azul, Ibiaí, Lagoa dos Patos, Montes Claros, Ponto Chique kaj São João do Pacuí.
| Coração de Jesus | |||
|---|---|---|---|
municipo de Brazilo  vd
| |||
|
|
| ||
| Flago | Blazono | ||
| Administrado | |||
| Lando |  Brazilo
| ||
| Regiono | Sudorienta regiono | ||
| Subŝtato |  Minas-Ĝerajso
| ||
| Mezoregiono | Norte de Minas | ||
| Mikroregiono | Montes Claros | ||
| Fondita | la 1-an de junio 1912 | ||
| Telefonkodo | 38 | ||
| En TTT | Oficiala retejo [+] | ||
| Demografio | |||
| Loĝantaro | 25 377 (2022) [+] | ||
| Loĝdenso | 11 loĝ./km² | ||
| Geografio | |||
| Geografia situo | 16° 41′ S, 44° 22′ U (mapo)-16.685-44.365Koordinatoj: 16° 41′ S, 44° 22′ U (mapo) [+] | ||
| Alto | 760 m | ||
| Areo | 2 236,24 km² | ||
| Horzono | UTC-03:00 | ||
| |||
| |||
|
| |||
| Alia projekto | |||
 Vikimedia Komunejo Coração de Jesus (Minas Gerais) [+]
| |||
Esperanto en Coração de Jesus
redaktiEn la malgranda urbo de la norda regiono de Minas-Ĝerajso jam estis esperantistoj ekde 1922, interalie kaj aparte menciinde Wilson de Castro Veado. La urbo post la komenciĝo de la 21-a jarcento aperas en la Jarlibro de UEA (kontrolita en la eldono de 2007) kun tri elstaraj membroj: unu patrono de UEA, la urbestro José Augusto Veloso kaj du aliaj dumvivaj membroj: Aristides Batista da Conceição kaj la urbodomo mem, senekzempla fakto en la Esperanto-movado, ke urbodomo fariĝis dumviva membro de UEA. Krom tio estas registritaj dek MS-subtenantaj aliĝintoj en UEA kaj BEL; tio envicigas la urbeton en elstaran lokon en la Minasa Esperanto-movado.
