Distrikto Argeș

Argeș [arĝeŝ] estas distrikto (rumane județ) en la suda Rumanio, en Valaĥio. Ĝia ĉefurbo kaj plej granda urbo estas Pitești. Ĝia siglo estas "AG".

Distrikto Argeș
Ĉefurbo	Pitești
Regiono	Valaĥio
mallonge	AG
Telefono	+40×48...
Areo	6.862 km² (10-a rango)
Loĝantaro	652.625 (9-a rango)
Loĝdenso	95/km²
La signo × en la telefona prefikso estas 2 aŭ 3, depende de la kompanio

Najbaroj: oriente: distrikto Dâmbovița; sude: distrikto Teleorman; sud-okcidente: distrikto Olt; okcidente: distrikto Vâlcea; norde: distriktoj Brașov kaj Sibiu.

Katedralo en Curtea de Argeș

Geografio

Argeș [arĝeŝ] estas rivero en la rumana distrikto Argeș, maldekstra alfluanto de Danubo. Ĝi ekestas el du fontaj riveroj, Buda kaj Capra, kiuj fontas en la Făgăraș-montaro, kaj enfluas okcidente de Oltenița en Danubon.

Administra strukturo

Distrikto Argeș konsistas el tri municipoj, kvar urboj kaj 95 komunumoj.

Municipoj

• Pitești
• Câmpulung
• Curtea de Argeș

Urboj

• Costești
• Mioveni (urbo de 1987)
• Topoloveni
• Ștefănești (urbo de 2004)

Transportoj

La Fervojlinio Pitești – Curtea de Argeș estas fervojlinio en Rumanio. Ĝi havas la numeron 206 kaj ligas la urbojn Pitești kaj Curtea de Argeș en la distrikto Argeș. Ĝi sekvas la valon de la rivero Argeș.

Eksteraj ligiloj

• http://www.cjarges.ro retejo de distrikto Argeș
• http://www.prefecturaarges.ro Arkivigite je 2012-02-09 per la retarkivo Wayback Machine
• Mapo
• Popolnombrado 2002