Distrikto Dongcheng (Pekino)

Dongcheng ( simpligita ĉino :东城区; tradicia ĉino :東城區; pinjino : Dōngchéng Qū ; transliterumo : Dōngchéng Chū ) estas distrikto en la centro de la municipa distrikto de Pekino, kiu situas en la nordo de la Ĉina Popola Respubliko. La distrikto enhavas interalie la orientan duonon de la malnova urbo de Pekino. Laŭ la censo de 2020, ĝia populacio nombris 708,829 loĝantojn en 17 sub-distriktoj. La distrikto kovras areon de 41.79 kvadrataj kilometroj kaj limas norde kaj oriente kun la Distrikto Chongwen, sude kun la Distrikto Pangtai kaj okcidente kun la Distrikto Xicheng.

Distrikto Dongcheng
distrikto de Ĉinio
Administrado
Poŝtkodo 100000
En TTT Oficiala retejo [+]
Demografio
Loĝantaro 911 000  (2014) [+]
Loĝdenso 21 784 loĝ./km²
Geografio
Geografia situo 39° 56′ N, 116° 25′ O (mapo)39.92718116.41006 [+]
Areo 41,82 km² (4 182 ha) [+]
Horzono UTC+08:00 [+]
Distrikto Dongcheng (Pekino)
Distrikto Dongcheng (Pekino)
DEC
Situo de Distrikto Dongcheng

Map

Alia projekto
Vikimedia Komunejo Dongcheng District, Beijing [+]
vdr

Setlado en la areo komenciĝis antaŭ proksimume mil jaroj. Distrikto Dongcheng oficiale iĝis distrikto de Pekino nur post la fondiĝo de la Respubliko Ĉinio en 1911. La distrikto estis nomita Dongcheng en 1958. La distrikto ekzistas en sia nuna formo kiel rezulto de fuzio farita en 2010 kun la distrikto Chongwen, kiu situas pli sude.

La distrikto inkludas multon da la ĉefaj kulturaj altiraĵoj de Pekino, kiel ekzemple la Malpermesita Urbo kaj la Templo de Ĉielo, kiuj ambaŭ estas Monda Heredaĵo de Unesko. Pli ol kvarono de la ĉefaj naciaj, historiaj kaj kulturaj ejoj de la grandurbo estas ene de la distrikto. Placo Tian An Men estas ankaŭ ene de la distrikto, same kiel aliaj popularaj cellokoj inter turistoj vizitantaj Pekinon kaj la areo ankaŭ inkluzivas viglan noktan vivoscenon en la Nanluoguxiang areo kaj la populara butikumada areo en Wangfujing. Pli ol tri kvaronoj de la ekonomia agado de la distrikto implikas la servosektoron.

Gravaj ekonomia instanco kun sidejo en la distrikto estas la Ĉinia Nacia Nafta-Tergasa Korporacio.

Eksteraj ligiloj

redakti