Druskininkai

komunumo de Litovio
Druskininkai
blazono de Druskininkai situo en Litovio
Bazaj datumoj
ŝtato: Litovio
distrikto: Alytus (ĝis julio 2010)
komunumo: Druskininkai
Nombro de loĝantoj: 12 055 (en 2020)
areo: 24 km²
internacia telefona prefikso: (+370) 313
koordinatoj: 54° 01' norde, 23° 58' oriente

Druskininkai estas urbo kaj kuracloko en la sudo de Litovio. Ĝi troviĝas en la historia regiono Dzukio, 130 kilometrojn sudokcidente de Vilno, proksime al la limo al Belorusio.

Politika aparteno, statistikojRedakti

Inter la jaroj 1995 kaj 2010 ĝi apartenis al la tiutempe ekzistanta distrikto Alytus. Ĝi formas kun ĉirkaŭaj vilaĝoj kaj la urbeto Ratnyčia memstaran administran komunumon (savivaldybė). En 2020 en la urbo vivis 12 055 loĝantoj.

NaturoRedakti

Druskininkai konatas pro sia situo en bela pejzaĝo meze de arbaraj montetoj ĉe la rivero Nemunas. Nordoriente, malmulte ekster la urbo, komenciĝas la Nacia Parko Dzukio. Tuj okcidente troviĝas la lago Druskonis.

 
banloka vilao, nomata Linksma ("gaja")

TurismoRedakti

Kune kun la banlokoj ĉe la litova bordo de la Balta Maro en la urbaj komunumoj Neringa kaj Palanga, la urbo Druskininkai estas la ĉefa ferioloko de Litovio. Al tio kontribuas la kuraca infrastrukturo (sanatorioj, parkoj ktp.). Tamen nombro da vizitantoj malkreskis post disfalo de Sovetunio, do troveblas ankaŭ malplenaj domoj de eksaj sanatorioj.

En la urbocentro ekzistas muzeo memoranta pri la pentristo kaj komponisto M. K. Čiurlionis, kiu tie naskiĝis kaj certan tempon vivis.

Proksime de la urbo troviĝas:

  • la Grutas-Parko, "subĉiela muzeo" kun statuoj kaj aliaj memoraĵoj el la epoko de la sovetia okupo de Litovio,
  • muzeoj kun lignaj skulptaĵoj, plejparte faritaj de Antanas Česnulis (en vilaĝo Naujasodė).


SportoRedakti

Ĝemelaj urbojRedakti

Inter alie

Eksteraj ligilojRedakti