Blankventra fazano
La Blankventra fazano (blankaventra fazano, amhersta fazano aŭ fazano de Lady Amherst; latine: Chrysolophus amherstiae) estas kokoforma birdo de la familio fazanedoj. La specio estas indiĝena el sudokcidenta Ĉinio kaj Birmo, tamen ĝi estis sukcese enmetita aliloke, ekzemple en Anglion, ĉefe ĉe Bedfordshire.
 | ||||||||||||||
|---|---|---|---|---|---|---|---|---|---|---|---|---|---|---|
  masklo kaj ino
| ||||||||||||||
| Biologia klasado | ||||||||||||||
| ||||||||||||||
| Chrysolophus amherstiae Leadbeater, 1829 | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Aspekto
redakti
Maskla plenkreskulo estas 100–120 cm longa, kaj ĝia vosto estas 80 cm de la totala longo. Ĝi estas nekonfuzebla pro sia blankaverda kapo, longa griza vosto kaj flava pugo, kaj ruĝa, blua, blanka, flava kaj verda partoj de la plumaro. La blankanigra "nukokovrilo" povas malfermiĝi por memmontra ceremonio.
Tiu specio estas tre proksime rilata al la ora fazano kaj la enmetitaj populacioj en Anglio interreproduktiĝis. Ambaŭ specioj havas similajn morfologion, strukturon kaj aspekton kun kresto, nukokovraĵo kaj longa vosto, sed ege diferencas laŭ koloroj, ĉefe oraj kaj multkoloraj supre kaj ruĝa sube ĉe la Ora fazano kaj verda supre kaj blanka sube ĉe la Blankventra fazano, ĉe kiu la komuna nomo devenas precize de la blankaj subaj partoj.
Krome pli precize la kapo montras rimarkindan bildon nome helblua nuda haŭtaĵo ĉirkaŭokule, flavecaj irisoj, malhelverdaj krono, gorĝo, brusto (tre klare separate de la kontrasta blanka ventro), kolflankoj kaj supra dorso, kiu nuanciĝas al malhelbluaj flugilplumoj. El la krono pendas al la nuko malgranda ruĝeca kresto kompare kun la tre etenda nukokovraĵo de arĝentoblankaj plumoj kun nigraj bordoj. La pugo estas kontraste flava kun kelkaj ruĝaj longetaj plumoj baze de la longa vosto kiu konsistas el blankecaj plumoj kun nigra strieco.
La ino estas multe malpli rimarkinda, kun pli senkolora makulecbruna plumaro, simila al tiu de la ino de komuna fazano sed kun pli fajna strieco. Ŝi estas tre simila al ino de ora fazano, sed havas pli malhelan kapon kaj pli senmarkajn subajn partojn ol tiuj de la ino de tiu specio.
Kutimaro
redaktiSpite la maskla mirinda aspekto, tiuj fortaj birdoj estas tre malfacile videblaj en sia natura habitato, kiu estas densaj, malhelaj arbaroj de junaj koniferoj kun disa subkreskaĵaro. Sekve oni konas malmulte pri ties kutimaro en naturo.
Ili manĝas surgrunde grenon, foliojn kaj senvertebrulojn, sed ripozas en arboj nokte. Kvankam ili povas flugi, ili preferas kuri: sed kiam ili ekflugas ili povas subite rapidiri per distinga brua flugilfrapado.
Kvankam ili povas flugi per mallongaj ekpuŝoj ili estas tre mallertaj dumfluge kaj pasas plej-parton de la tempo surgrunde.
La masklo havas aspran alvokon en la reprodukta sezono.
Aliaj
redaktiLa scienca nomo rememorigas pri Sarah grafino de Amherst, edzino de William Amherst, Ĝenerala Guberniestro de Bengalo, kiu estis responsa pri sendo de la unua specimeno de tiu birdo al Londono en 1828.
Disvastigata tra sia granda teritorio, la blankaventra fazano estas konsiderata kiel malplej zorgiga fare de la Ruĝa Listo de IUCN de minacataj specioj.
Bildaro
redakti-
malantaŭe -
antaŭe -
ino -
-
Hibrido. Ĉe pura fazano de Lady Amherst, la ruĝa kresto komenciĝus en malantaŭa kapo, ne el la beko, kaj la ventro ne havus ruĝan.
Referencoj
redakti- BirdLife International (2004). Chrysolophus amherstiae. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 6a Majo 2006. Malplej Zorgiga.
Eksteraj ligiloj
redakti- Artikolo pri Blankventra fazano ĉe Ĉina Radio Internacia Arkivigite je 2016-03-05 per la retarkivo Wayback Machine
- BirdLife Species Factsheet Arkivigite je 2007-09-29 per la retarkivo Wayback Machine
- Foto de Blankaventra fazano Arkivigite je 2011-07-23 per la retarkivo Wayback Machine
- Bredado de Fazano de Lady Amherst Arkivigite je 2011-02-06 per la retarkivo Wayback Machine
