Flavia Julia Konstantia

Flavia Julia Konstantia (en latino, Flavia Julia Constantia; post 293- ĉ. 330) estis romia imperiestrino laŭ geedziĝo, fakte edzino de la imperiestro Licinio. Estis la filino de la imperiestro Konstantio Kloro kaj de lia dua edzino, Flavia Maksimiana Teodora.

Flavia Julia Konstantia
romia imperiestredzino
Flavia Julia Constantia.jpg
Persona informo
Naskiĝo
en Treviro
Morto ĉ. 330
en Konstantinopolo
Religio kristanismo [#]
Ŝtataneco Roma regno [#]
Familio
Patro Konstancio Ĥloro [#]
Patrino Flavia Maximiana Theodora [#]
Gefratoj Anastasia • Eutropia • Konstanteno la Granda • Julius Constantius • Flavius Dalmatius • Flavius Hannibalianus [#]
Edz(in)o Licinio [#]
Infanoj Licinius II [#]
[#] Fonto: Vikidatumoj
Information icon.svg
vdr

En 313, la imperiestro Konstantino, kiu estis duonfrato de Konstantia, donis ŝin kiel edzino al sia kunimperiestro Licinio, okaze de renkonto en Mediolano. Ŝi naskis filon, Valerio Liciniano Licinio, en 315, kaj kiam ekis lukto inter Konstantino kaj Licinio en 316, ŝi restis ĉe sia edzo. Dua milito ekis inter ambaŭ imperiestroj en 324; post la malvenko de Licinio, Konstantia intervenis antaŭ Konstantino favore por la pluvivo de sia edzo. Konstantino ne mortigis lin tiam, sed devigis Licinion vivi en Tesaloniko kiel privatulo, sed la venontan jaron (325), li ordonis la murdon de Licinio. Dua frapo por Konstantia estis la murdo, ankaŭ pro ordono de Konstantino, de ŝia filo Licinio la Juna.

En la postaj jaroj, Konstantia loĝis en la kortego de sia frato, ricevante honorojn (ŝia titolo estis nobilissima femina). Ŝi konvertiĝis al la kristanismo,[1] apogante la partion de la arianoj en la Unua koncilio de Niceo (325).[2]

La urbo Constanţa, Rumanio ricevis sian nomon el ŝia.

ReferencojRedakti

  1. Hieronimo, Epist., 133.4; Rufino de Akvileo, Hist. Eccl. 1.11.
  2. Filostorgio, Hist. Eccl. 1.9.

Eksteraj ligilojRedakti