Franz Christanell
Franz Christanell (kristanel) estis aŭstra esperantisto, doktoro, pastro kaj gimnazia instruisto de matematiko kaj fiziko ĉe Borromaeum-gimnazio. Li naskiĝis 14-an de junio 1880 en Meran, Sudtirolo, Aŭstrio-Hungario, kaj mortis samloke post ses pensiulaj jaroj en Merano la 6-an de marto 1961[1]. Kun Esperanto li konatiĝis per d-ro Pezlederer en 1920. En 1921 li kunfondis neŭtralan grupon en Salzburgo kaj restis ties animo. En 1925 li estis prezidanto de la Aŭstria Esperanto-Kongreso en Salcburgo kaj en 1926 prezidanto de la Aŭstria Esperanto-Delegitaro (AED). Li gvidis multajn kursojn laŭ la Cseh-metodo. Enkondukis Esperanton kiel oficialan libervolan fakon en sia lernejo jam en 1922 kaj en 1928 fondis IKUE-grupon por studentoj kaj pastrokandidatoj. Verkis propran broŝuron Gvidlibro pri Salcburgo en 1924, libreton La Vero pri Suda Tirolo en 1926, Kantaron de la Esperanto-Grupo Salzburgo en 1930, kronikon de la Salcburga Esperanto-Grupo en 1931, kaj tradukis du proprajn enhavajn teatraĵetojn en 1922 kaj 1923. Serio de propagandaj teatraĵoj originalaj, prezentitaj okaze de Zamenhof-festoj; aldone estas aliaj priesperantaj tekstoj en manuskripto.
| Franz Christanell | |
|---|---|
| Persona informo | |
| Naskiĝo | 14-an de junio 1880 en Meran |
| Morto | 6-an de marto 1961 (80-jara) en Meran |
| Lingvoj | Esperanto • germana |
| Ŝtataneco | Aŭstrio |
| Okupo | |
| Okupo | esperantisto • instruisto |
ReferencojRedakti
- ↑ tre koncizaj informoj germanlingvaj pri liaj vivstacioj Arkivigite je 2016-08-11 per la retarkivo Wayback Machine (germane)
Eksteraj ligilojRedakti
- nigra-blanka portreta foto de li el proksimume 1930 en la arkivo de la Aŭstria Nacia Biblioteko
