Granda niltavo

La Granda niltavo (Niltava grandis) estas birdo de la familio de Muŝkaptuledoj kaj de la genro Niltava kiu enhavas speciojn de tre bluaj maskloj ĉefe en la supraj partoj kun brunaj inoj.

Kiel legi la taksonomion Granda niltavo
Granda niltavo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Muŝkaptuledoj Muscicapidae Genro: Niltava Specio: N. grandis
Dunomo
Niltava grandis (Blyth, 1842)
Konserva statuso
Konserva statuso: Malplej zorgiga
Aliaj Vikimediaj projektoj

La masklo de tiu specio estas tre blua ĝenerale kun pli grizaj subaj partoj, malhelgrizaj flugiloj kaj nigraj vizaĝo kaj gorĝo. Estas tre rimarkindaj brilaj helbluaj areoj en krono, ŝultro, vosto kaj flanka kolumo. La ino estas ĝenerale bruna, do temas pri evidenta kazo de seksa duformismo, sed ĉiukaze ili montras iomete la bluan flankokolumon.

Masklo ĉe Monteto Fraser, Malajzio 1997

Ĝi troviĝas en la tuta sudorienta Azio nome en Bangladeŝo, Butano, Kamboĝo, Ĉinio, Barato, Indonezio, Laoso, Malajzio, Birmo, Nepalo, Tajlando kaj Vjetnamio.

Ties natura habitato estas subtropikaj aŭ tropikaj montararbaroj.

Referencoj

• BirdLife International 2004. Niltava grandis. 2006 IUCN Ruĝa Listo de Minacataj Specioj. Konsultita la 26an de julio 2007.

Eksteraj ligiloj

• Bildo ĉe ADW Arkivigite je 2011-11-17 per la retarkivo Wayback Machine