Hannibal Valdimarsson
Hannibal Valdimarsson (Hannibal Gísli Valdimarsson) (13-a de januaro 1903 - 1-a de septembro 1991) estis islanda politikisto, kiu estis partiestro de du politikaj partioj, la Popolpartio kaj Liberalaj maldekstruloj. Krome, Hannibal estis parlamentano kaj ministro por la Popolunuiĝo, kiu tiutempe ne estis partio sed elektadkunlabora projekto inter la Socialistpartio kaj forlasintoj de la Popolpartio. Kiam la Popolunuiĝo iĝis memstara partio en 1968, samtempe kun la malfondigo de la Socialistpartio, Hannibal forlasis ĝin kaj fondis la partion Liberalaj maldekstruloj.
- Ĉi tie estas islanda nomo. Plejmulto de islandanoj ne havas familiajn nomojn. La lasta nomo de ĉi tiu persono estas patronomo. Mencii lin oni povas sub lia persona nomo Hannibal.
Eks-ministro Jón Baldvin Hannibalsson estas filo de Hannibal Valdimarsson.
