Luthern

Luthern estas komunumo en la distrikto Willisau en Kantono Lucerno, Svislando. Ĝi havis 1369 loĝantojn je la 31-a de decembro 2008.

Luthern
Blazono de Luthern
Vilaĝocentro de Luthern kun preĝejo kaj fromaĝovendejo Napf
komunumo en Svislando
Kantono	Lucerno
Distrikto	Willisau
Koordinatoj	47° 3′ 30″ N 7° 54′ 57″ O (mapo)
Nombro de loĝantoj	1369
Areo	37,80 km²
Alteco	775 m super marnivelo
Poŝtkodo	6156
Komunumkodo	1135
Mapo de Luthern

Geografio

La komunumo Luthern situas sude de la monto Napf en la valo de la samnoma rivero, kies fonto troviĝas sub la monto Napf sur la komunuma teritorio. La teritorio de la komunumo konsistas el monteta kamparo kun profundaj ravinoj. Ĝia longeco estas 12,5 km de sudo al nordo, ĝia larĝeco de oriento al okcidento 5 km. Al la komunumo apartenas krom la ĉefvilaĝo Luthern mem la vilaĝetoj Luthern-Bad, Hofstatt, Flühlen kaj krome multnombraj izolitaj bienoj.

La teritorio de la komunumo etendiĝas sur areo de 37,76 km², de kiuj 47,5% estas kovritaj de arbaro, 47,8% servas por agrikulturo kaj 3,5% por setlado .

Najbaraj komunumoj

La komunumo Luthern limas en nordo al Ufhusen, en nordoriento al Willisau, en oriento al Hergiswil ĉe Willisau, en sudo al Trub (Kantono Berno), sen okcidento al Sumiswald (Kantono Berno), kaj en nordokcidento al Eriswil (Kantono Berno).

Trafiko

Luthern estas konektita al la publika transportreto per la poŝtaŭtolinio de Hüswil tra Luthern al Luthernbad. La komunumo situas flanke de la gravaj trafikvojoj. La plej proksima alveturejo al la svisa aŭtovojo A2 situas nordoriente en Dagmersellen en distanco de 25 km.

Historio

La unua dokumenta mencio de Luthern datiĝas el la jaro 1275 kiel Lutrun.

En la jaro 1283 la tiamaj posedantoj la Baronoj de Affoltern vendis la valon al la Kavaliroj de Hünenberg, kiuj ĝin vendis en la jaro 1414 al Ueli Hugi kaj Hensli Bircher. Bircher pluvendis sian parton al la urbo Lucero, kial ĝi fariĝis parto de la lucerna voktejo Willisau, el kiu post la Helveta Revolucio en la jaro 1798 fariĝis helveta distrikto, kaj per la restaŭracio de la jaro 1803 la distrikto Willisau de Kantono Lucerno .

Bildoj

• 
  Vilaĝo Luthern
• 
  Kapelo sur la monteto malantaŭ la vilaĝo Luthern
• 
  Preĝejo de Luthern-Bad
• 
  Lernejo de Luthern-Bad
• 
  Kapelo Badbrünnli
• 
  Kapelo Badbrünnlikapelle
• 
  Fontano Badbrünnli

Eksteraj ligiloj

• Oficiala retejo de la komunumo Luthern
• Profilo de Luthern en la retejo de Kantono Lucerno
• Luthern en la Historia Leksikono de Svislando