Homaj rajtoj en Ĉednestrio

La situacio pri homaj rajtoj en Ĉednestrio estis kritikita de pluraj landoj kaj internaciaj organizaĵoj. Moldavio, kaj pluraj ŝtatoj kaj neregistaraj organizaĵoj asertas ke la registaro de Ĉednestrio estas aŭtoritatema kaj tie okazas arbitraj arestoj kaj torturoj.

Ĉednestrio establis oficejon de ombudsmano en 2006 por plibonigi la situacion.[1]

Libereco en la mondo raporto, eldonita de la usona organizaĵo Freedom House, priskribis Ĉednestrion kiel "malliberan" teritorion, kun malbona reputacio rilate politikajn rajtojn kaj civilajn liberecojn[2].

Situacio pri rumanlingvaj lernejojRedakti

Ĉednestria registaro insistas, ke publika edukado por etnaj moldavoj en ilia denaska lingvo okazu per la moldava cirila alfabeto kaj limigis la uzadon de la rumana lingvo al nur ses lernejoj. Kvar el tiuj lernejoj estis fermitaj de la aŭtoritatoj, kiuj asertis, ke la lernejoj rifuzis peti oficialan agnoskon. La lernejoj poste estis remalfermitaj pro premo de Eŭropa Unio, sed kiel privataj institucioj.

En 2010 la Eŭropa Kortumo pri Homaj Rajtoj deklaris parte akceptindajn plendojn de pli ol 100 lokaj loĝantoj pri fermo de tri rumanlingvaj lernejoj en Ĉednestrio (en urboj Bendero, Rîbniţa kaj Grigoriopol), pledante pri malobservo de ilia rajto je protekto de privata vivo, edukado kaj nediskriminacio.[3]

La misio de Organizo por Sekureco kaj Kunlaboro en Eŭropo en Moldavio instigis lokajn aŭtoritatojn de urbo Rîbniţa redoni konfiskitan konstruaĵon al la rumana lernejo. La konstruado estis preskaŭ finita en 2004, kiam Ĉednestrio ekkontrolis ĝin dum la lerneja krizo okazinta tiujare.[4]

Persekutadoj de ĵurnalistojRedakti

En aprilo de 2010 la ĵurnalisto Ernest Vardanean estis arestita en senpunan de ĉednestria ŝtata sekureca agentejo okazon de spionado por Moldavio[5]. En junio de 2011 Vardanean estis amnestiita[6].

Vidu ankaŭRedakti

ReferencojRedakti